"ჩვენ არა ფულისთვის, არამედ ჩვენი ქვეყნისთვის ვთამაშობთ" - ლუკა ლოჩოშვილი ივანიშვილის მიერ ნაკრებისთვის 30 მილიონის ჩუქებაზე

საქართველოს ნაკრების მცველი ლუკა ლოჩოშვილი ამბობს, რომ ბიძინა ივანიშვილის მხრიდან ფულადი პრემია "კარგი ჟესტია", თუმცა დასძენს, რომ ისინი არა ფულისთვის, არამედ ქვეყნისთვის თამაშობენ.

"არ ვთვლი, რომ ამ შემთხვევაში, ფულს რაიმე მნიშვნელობა აქვს. გუნდში ამაზე არავინ ფიქრობს. ცხადია, ეს კარგი ჟესტია, თუმცა, ჩვენ არა ფულისთვის, არამედ ჩვენი ქვეყნისთვის ვთამაშობთ. ყველაზე მნიშვნელოვანი ისაა, რომ კარგი შედეგები გვაქვს. ვფიქრობ, ყველა ფეხბურთელს იგივე აზრი აქვს" - ამბობს ლოჩოშვილი.

ცნობისთვის, ეროვნულ გუნდს ბიძინა ივანიშვილმა დაწესებული ჯილდო, 30 მილიონი ლარი პორტუგალიასთან მოგების შემდეგ გადასცა.

"ამასთანავე, ბიძინა ივანიშვილის ინიციატივით, ესპანეთთან მერვედფინალურ შეხვედრაში მოგების და შემდეგ ეტაპზე გასვლის შემთხვევაში, საქართველოს ეროვნული ნაკრები ჯილდოს სახით დამატებით კიდევ 30 მილიონ ლარს მიიღებს. "ქართული ოცნების“ საპატიო თავმჯდომარე მადლობას უხდის საფეხბურთო ნაკრების თითოეულ ფეხბურთელს, სამწვრთნელო შტაბს და ქართველ ქომაგებს ამ ისტორიული და საოცნებო გამარჯვებისთვის“, - ნათქვამია ინფორმაციაში.

წაიკითხეთ ასევე:

• "მადლობა ბატონ ბიძინა ივანიშვილს, ჩვენს ფეხბურთელებს არ სჭირდებათ დამატებითი მოტივაცია, თუმცა მაქსიმალურ მოტივაციასაც სჭირდება წახალისება" - პრემიერი