მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“Euro2024-ის ყველაზე დიდი შოკი, იმედგაცრუებული რონალდუ და დიდებული კვარაცხელია!“ - რას წერს უცხოური პრესა საქართველო - პორტუგალიის მატჩის შესახებ?
12:01 / 27-06-2024
27 ივნისის დილა მთელს საქართველოში საზეიმო მსვლელობების ფონზე გათენდა. მიზეზი დაუჯერებელი გამარჯვებაა. ევრო 2024-ის ევროპის ჩემპიონატის ბოლო, მესამე ტურში, F ჯგუფში საქართველოს ნაკრებმა პორტუგალიას 2:0 სძლია.
მატჩი იმდენად შთამბეჭდავი და სანახაობრივი იყო, რომ ამის შესახებ მსოფლიო მედია წერს.
“საქართველო 2 პორტუგალია 0: ევრო 2024-ის ყველაზე დიდი შოკი, იმედგაცრუებული რონალდო და დიდებული კვარაცხელია“, - ასე შეაფასა The New York Times - მა ქართველი დებიუტანტების შერკინება ლეგენდარულ კრიშტიანო რონალდუსთან.
“ევრო 2024-ის ყველაზე დიდი შოკი! (FIFA-ს მსოფლიო რეიტინგის მიხედვით), საქართველომ პორტუგალია 2:0 დაამარცხა.
რეიტინგში 74-ე პოზიციაზე მყოფმა საქართველომ, ვიდრე ჟორჟ მიქაუტაძე მეორე ტაიმის პენალტის შეასრულებდა, უზომოდ ნიჭიერი ხვიჩა კვარაცხელიას მეშვეობით, პირველი ტაიმის მეორე წუთზე პირველი გოლი გაიტანა,“ - წერს გამოცემა იმის შესახებაც, რომ “მატჩის მიმდინარეობისას, სავარაუდოდ, იქნებოდა წუთები, როდესაც იმედგაცრუებული კრიშტიანო იფიქრებდა იმაზე, თუ საერთოდ რა ხდებოდა სტადიონზე. პორტუგალიის ნაკრებმა მიიღო ყვითელი ბარათები. კრიშტიანოს ყველაზე დიდი უკმაყოფილება კი მსაჯის მიერ, საქართველოს სასარგებლოდ პენალტის დანიშვნამ გამოიწვია“.
The New York Times ხვიჩა კვარაცხელიას საქართველოს საფეხბურთო გუნდის თილისმას უწოდებს. მამარდაშვილს კი “ევროპის ერთ-ერთი საუკეთესო ახალგაზრდა მეკარეს, რომელიც გერმანიაში ბრწყინავდა.“
- თავად uefa -ს ოფიციალური გვერდი დებიუტანტი საქართველოს მერვედფინალში გასვლას საკვანძო მომენტებით იხსენებს:
“საქართველოს დასამახსოვრებელი ფინალური ტურნირის დებიუტი UEFA EURO 2024-ის ნოკაუტ რაუნდში გაგრძელდება, მას შემდეგ, რაც ხვიჩა კვარაცხელიასა და გიორგი მიქაუტაძის გოლებმა პორტუგალიასთან ისტორიული გამარჯვება დაიმსახურეს“, - წერს uefa.
- “საქართველომ ისტორია დაწერა!“ – BBC Sport "ევრო 2024"-ზე პორტუგალიასთან გამარჯვებით დასრულებულ მატჩს მხატვრულად აღწერს.
“საქართველოს ორგანიზებულმა თამაშმა ევრო2024-ის ჯგუფური ეტაპი ყველაზე დიდი შოკით დაასრულა! საქართველო ევროზე ყველაზე დაბალი კვალიფიკაციის მქონე გუნდად მიიჩნეოდა, მაგრამ მათ საქმე გააკეთეს და ფინალში გავიდნენ. პორტუგალიის წინააღმდეგ ბურთის ფლობა აკლდათ, მაგრამ გააკეთეს ის, რაც საჭირო იყო - და ეს გააკეთეს სტილით! საქართველოს ახალგაზრდებისთვის ეს ბრწყინვალე ღამე იყო", - წერს BBC.
The Independent -მა ტრადიციას არ უღალატა და საქართველოს თამაშს ევრო 2024 -ზე ვრცელი სტატია მიუძღვნა, სადაც მხატვრულად არის აღწერილი სანახაობრივი მატჩის თითოეული ამაღელვებელი მომენტი.
“შოკისმომგვრელი გამარჯვება“, - ასე ახასიათებს გამოცემა შეხვედრას.
“აღმოსავლეთ ევროპულმა ერმა ისტორიული გამარჯვება დააფიქსირა, როდესაც ხვიჩა კვარაცხელიასა და გიორგი მიქაუტაძის გოლების მეშვეობით F ჯგუფში მესამე ადგილი დაიკავეს. 16-ფინალში ისინი ესპანეთს დაუპირისპირდებიან, ხოლო პორტუგალია სლოვენიას შეხვდება, ინგლისის მეტოქე კი სლოვაკეთია.
პორტუგალია F ჯგუფის გამარჯვებულია, ამიტომ გუნდის თავკაცმა რობერტო მარტინესმა სასტარტო 11-ში რვა ცვლილება შეიტანა, თუმცა კრიშტიანო რონალდუმ შეინარჩუნა ადგილი ძირითადში.
- Reuters - მა ყურადღება პორტუგალიის წინააღმდეგ, საქართველოს გამარჯვების კვალდაკვალ, ქვეყანაში არსებულ საზეიმო განწყობას და ქუჩებში განვითარებულ მოვლენებსაც დაუთმო.
“თბილისი ზეიმობს. დედაქალაქში დღესასწაულმა იფეთქა მას შემდეგ, რაც ეროვნულმა ნაკრებმა პორტუგალიასთან განსაცვიფრებელი გამარჯვება მოიპოვა. მოგებამ ხალხი ქუჩებში გამოიყვანა, ისინი მანქანის ფანჯრებიდან ეროვნულ დროშებს აფრიალებდნენ და ფეიერვერკებს უშვებდნენ.
ეს იყო პირველი შემთხვევა, როდესაც საქართველომ დიდ საერთაშორისო ტურნირზე კვალიფიკაცია მოიპოვა“, - წერს Reuters.
თავად საქართველოს ეროვნული საფეხბურთო ნაკრების მწვრთნელის, ვილი სანიოლის შეფასებით, “ბიჭებმა ყველა მოლოდინს გადააჭარბეს!“
“ვამაყობ, რომ ამ ფეხბურთელების დამრიგებელი ვარ, საქართველოს იმიჯი შესანიშნავად წარმოაჩინეს. მთავარი იყო, რამე არ გვენანა. როცა დებიუტანტი ხარ, განსაკუთრებული წნეხი არ გაქვს. მთავარი იყო, საქართველოსთვის სიამაყე მოგვეტანა და ასეც გავაკეთეთ!“
პორტუგალიის ნაკრების მწვრთნელის, რობერტო მარტინესის თქმით, “საქართველომ ღირსეულად გაიმარჯვა! - ეს იყო მატჩი, სადაც საქართველომ ითამაშა იმისთვის, რომ ისტორია დაეწერა“.
იხილეთ ასევე:
- "საქართველომ ეს შეხვედრა ითამაშა იმისთვის, რომ ისტორია დაეწერა" - რა თქვეს პორტუგალიის და საქართველოს მწვრთნელებმა მატჩის შემდეგ?
- საქართველო-პორტუგალიის მატჩის საუკეთესო მოთამაშედ ხვიჩა კვარაცხელია დასახელდა - რა თქვა "კვარამ" მატჩის შემდეგ?
- "არ გავჩერდებით, ესპანეთთან მატჩისას ყველაფერს გავაკეთებთ, რომ მოვიგოთ" - გიორგი მიქაუტაძე
00:00 / 00:00
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გერმანიაში ძალიან გახალისდნენ იმ ფაქტით, რომ რონალდუ "დინამოს" სკოლის გახსნაზე ჩამოვიდა 11 წლის წინ და ამ სკოლის მოსწავლეებმა კი ახლა მისი გუნდი დაამარცხესო :) თავისი ხელით გაითხარა საფლავი რონალდუმო - ასე თქვა ერთ-ერთმა პოპულარულმა ტელეწამყვანმა :) ზოგადად, ძალიან თბილი გამოხმაურებები იყო საქართველოს ნაკრების გარშემო, მამარდაშვილი ძალიან აქეს, მათეუსმა განსაკუთრებით! კარგი ბიჭები გვყავს და ძალიან ვამაყობთ გერმანიაში მცხოვრები ქართველები <3
შთამბეჭდავია !!!!!!!!! ცოტაა. დიდი წარმატება მაინც ცოტაა. ვერავის გამოვარჩევ მწვრთელის გარდა. მწვრთნელი საოცრად დარწმუნებული თავის გუნდში შერცეულ ტაქტიკაში დისციპლინაში. მწვრთნელი , რომელიც ქართულ ადათწესებს ჩაუღრმავდა საქრათველოში იცხოვრა და ეს გამარვება ამ ბიჭების ტრანსფერი და ზოგადად გამარჯვებები გამოჭედა. ამას დაუმატეთ სამწვრთნელო შტაბი დამხმარე პერსონალი და სხვა - ყველა მოწოდებია მოწოდების სომაღლეზე იდგა. გულშემატკივარი არ გამოგვრჩეს....
საქართველო საოცრად ამაყი და ბედნიერია !!!!!!!!!!