მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პოპის მეფის სტატუსმა მისი ცხოვრება ციხეს დაამსგავსა" - მაიკლ ჯექსონის გიტარისტი ლეგენდარულ მომღერალს იხსენებს
14:30 / 25-06-2024
გიტარისტი, რომელიც მაიკლ ჯექსონთან ერთად სცენაზე ათი წლის განმავლობაში გამოდიოდა, ამბობს, რომ "პოპის მეფის სტატუსმა ჯექსონის ცხოვრება ციხეს დაამსგავსა".
ჯენიფერ ბატენის თქმით, სუპერვარსკვლავის ცხოვრება ტკივილით იყო სავსე.
მომღერალი ზუსტად 15 წლის წინ გარდაიცვალა.
ნიჭიერმა მუსიკოსმა ბატენმა ჯექსონის სამივე მსოფლიო ტურნეში მიიღო მონაწილეობა და მის გვერდით 1987-დან 1997 წლამდე უკრავდა. ის 100-ზე მეტი გიტარისტიდან შეირჩა, რომელთაც ჯექსონის ბენდში დაკვრა სურდათ.
ჯექსონის გარდაცვალებიდან 15 წლის თავზე, ბატენი ჯექსონზე გულახდილად საუბრობს.
მან The Sun-ს განუცხადა, რომ უზარმაზარი ქონებისა და ერთგული ფანების ლეგიონის მიუხედავად, ვარსკვლავს უჭირდა იმ სირთულეებთან გამკლავება, რაც პოპულარობამ მოუტანა.
"მგონია, გარეშე ადამიანები ფიქრობენ, რომ ვინც ასეთი პოპულარულია, აუცილებლად ბედნიერი უნდა იყოს. მაგრამ ეს ციხე იყო, რადგან ყოველთვის, როცა მას წიგნის მაღაზიაში შესვლა ან კინოში წასვლა სურდა, ექვსი დაცვის თანამშრომელი მიჰყვებოდა. მას არ ჰქონდა თავისუფლება, უბრალოდ, წასულიყო იქ, სადაც და როცა მოესურვებოდა. ეს ნახევრად პოპულარობა, ნახევრად კი - ტკივილი იყო. მაიკლი შემოქმედებითი ტორნადო იყო".
ჯექსონმა მსოფლიო სცენის ცენტრში ოთხი ათწლეული გაატარა. მომღერალმა მოიპოვა 15 გრემი, ექვსი Brit ჯილდო და ერთი ოქროს გლობუსი.
ცნობილია, რომ 1993 წელს მას ბავშვზე სექსუალური ძალადობის ბრალდება წაუყენეს. საქმე საქალაქო სასამართლოს გარეთ, მორიგებით დასრულდა - თუმცა, 2005 წელს სამი შვილის მამას ბავშვებზე სექსუალური ძალადობის კიდევ უფრო მძიმე ბრალდებები დასდეს.
საქმეზე FBI-მ დანაშაულებრივი ქმედების შესახებ მტკიცებულება ვერ მოიპოვა და ჯექსონი გაამართლეს.
ბატენის აზრით, ეს ყველაფერი სისულელე იყო.
"ყველა ჟურნალის ყდაზე ძალიან, ძალიან დიდი ხნის განმავლობაში სულ ეს იყო გამოტანილი. ეს ყველაფერი ძალიან ბნელი და სამწუხარო ამბავია. საბოლოოდ კი, მაიკლი უდანაშაულოდ ცნეს".
2009 წლის მარტში ჯექსონმა ფანები გააოცა განცხადებით, რომ ათწლიანი პაუზის შემდეგ სცენაზე კვლავ დაბრუნდებოდა. თუმცა, დაგეგმილ ტურნემდე სამ კვირაზე ნაკლებ დროში ზედოზირებით გარდაიცვალა.
ბატენი ლოს-ანჯელესში მანქანას მართავდა, როდესაც მეგობარმა დაურეკა და ეს ამბავი აცნობა, რომელმაც შემდეგ მთელი მსოფლიო შეძრა.
"თავიდან არ დავიჯერე, რადგან წლების განმავლობაში მის შესახებ ბევრი, ბევრი ჭორი მსმენია. მაგრამ, სამწუხაროდ, ეს სიმართლე აღმოჩნდა... "
იმის გახსენებისას, თუ როგორი იყო ჯექსონი საზოგადოების თვალს მიღმა, ბატენმა თქვა, რომ ის "ასხივებდა" და "ძალიან მეგობრული" იყო.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
