მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გმირად ქცევის დაკარგულმა შანსმა საბა ლობჟანიძე აატირა - "ლობოს" წარმატებული ამერიკული კარიერა, ქორწინება ჩცდ-ს მსახიობთან და პირველი შვილის მოლოდინი
11:26 / 24-06-2024
გერმანიაში საქართველო-ჩეხეთის მატჩის დასრულების შემდეგ, ქართველი გულშემატკივარი ნაკრების წევრის საბა ლობჟანიძის ცრემლებმა გულგრილი არ დატოვა. ფეხბურთელი ბოლო მომენტში გაშვებულ საგოლე შანსს განიცდიდა. საბასთან დასამშვიდებლად ნაკრების მწვრთნელი ვილი სანიოლიც მივიდა.
ლობჟანიძე საქართველოს ნაკრების ერთ-ერთი გამორჩეული წევრია.
29 წლის ნახევარმცველი თბილისში დაიბადა. საბა ათი წლიდან ნორჩი "დინამოელი" იყო და მისი საკლუბო კარიერაც თბილისის "დინამოში" დაიწყო.
2017 წლის ივნისში ლობჟანიძემ დანიურ "რანდერსთან“ სამწლიან კონტრაქტს მოაწერა ხელი. 2018 წლის აპრილში, ექვს თამაშში ლობჯანიძემ ექვსჯერ გაიტანა "რანდერსისთვის", მათ შორის ჰეთ-თრიკი "სონდერისკესთან", რამაც მას თვის საუკეთესო მოთამაშის წოდება მოუტანა ქართველ ფეხბურთელებს შორის. ის ასევე, ორჯერ დასახელდა დანიის სუპერლიგის კვირის გუნდში.
2020 წლის 30 იანვარს ლობჟანიძემ კონტრაქტი გააფორმა თურქულ კლუბ MKE Ankaragücü-სთან. 2021 წლის ივნისში კი ხელი მოაწერა სამწლიან კონტრაქტს "ჰატაისპორთან", მას შემდეგ რაც "ანკარაგიუჯიუში" სუპერ ლიგიდან დაქვეითდა.
თურქეთში მომხდარი დამანგრეველი მიწისძვრის შემდეგ და 2023 წლის თებერვალში "ჰატაისპორის" ლიგიდან გაყვანის შემდეგ, ლობჟანიძე "ფატიჰ კარაგუმრუკსში" იჯარით სეზონის ბოლომდე გადავიდა.
2023 წლის აგვისტოს დასაწყისში კი ამერიკაში MLS-ის კლუბ "ატლანტა იუნაიტედში" სამწლიანი კონტრაქტით გადავიდა. მალე "ატლანტა იუნაიტედის“ პრესსამსახურმა გუნდის ახალწვეულის ინტერვიუ გამოაქვეყნა.
"გაინტერესებთ, რატომ ავირჩიე "ატალანტა იუნაიტედი"? იმიტომ, რომ ეს არის კარგი გუნდი, რომელიც საინტერესო იყო ჩემთვის თავისი ისტორიით.
მე თბილისელი ვარ, საქართველოს დედაქალაქიდან. ჩემი ქვეყანა ულამაზესია. იქ ყველაფერია - მთა, ზღვა, დიდებული ბუნება... ძალიან მიყვარს ჩემი სამშობლო...
მამას ძალიან უყვარს სპორტი. ჯერ კიდევ ჩემი უფროსი ძმები ვარჯიშობდნენ, მაგრამ მათ არ ჰქონიათ რაიმე მნიშვნელოვანი წარმატება. ფეხბურთზე რომ შევედი, მხოლოდ 4 წლის ვიყავი. მაშინდელ ამბებს რომ ვიხსენებ, სხვები გაცილებით უფროსები იყვნენ - 5, 6, 7 წლისანი... მათ შორის მე ყველაზე უმცროსი ვიყავი...
ჩემი მეტსახელია "ლობო". ასე მეძახიან საქართველოს ნაკრებში. ჩემი გვარის შემოკლებული ვარიანტია. ან ეს, ან საბა... საკუთარ თავს როგორ დავახასიათებდი? ჩემი აზრით, ვარ კონკურენტუნარიანი, მშრომელი და მიზანსწრაფული...
ვარ გარემარბი. ჩემს მთავარ ამოცანად მიმაჩნია "ბოლო პასის" გაკეთება. ამავე დროს, ვარ სწრაფი და გავაკეთებ ყველაფერს, რომ ამ თვისებებით გუნდს გამოვადგე. მიყვარს გატანა და მჯერა, რომ ამას მოვახერხებ.
როცა რთული პერიოდი მაქვს, ასეთ დროს ჩემთვის საუკეთესო გამოსავალი კიდევ უფრო მეტი ვარჯიშია. როცა გუნდთან ერთად ხანგრძლივი ვადით მიწევს მგზავრობა, უპირველეს ყოვლისა, ვცდილობ, დავიძინო. თუ ამას ვერ ვაკეთებ, მაშინ ვუსმენ მუსიკას, ან თანაგუნდელებთან ერთად ვერთობი...
...საყვარელ კერძად, ალბათ, მაკარონს დავასახელებ. მიყვარს სპაგეტი და ვამზადებ კიდეც. საუკეთესო ტელეშოუდ კი ალბათ "სამეფო კარის თამაშებს" მივიჩნევდი. რაც შეეხება საყვარელ ფილმს, "ფორესტ გამპი" - ძველია, მაგრამ კარგი.
რაც შეეხება ტატუებს. მკლავზე მე ფრთა მახატია. მას არ აქვს რაიმე მნიშვნელობა. უბრალოდ, მე მომწონს. მაქვს ანგელოზის გამოსახულება, მაწერია ჩემი დაბადების წლის თორის ჩაქუჩი "მარველიდან". როცა გამაქვს, გოლს მაჯაზე დახატული საათით აღვნიშნავ. მიყვარს სისწრაფე და ამას უკავშირდება კიდევ ერთი ტატუ - ელვა. მომავალში ალბათ კიდევ გავიკეთებ..."
საბას ამერიკულ კლუბში საკმაოდ წარმატებული კარიერა აქვს, გოლებიც გააქვს და საუკეთესო ფეხბურთელებს შორისაც ხშირად ხვდება.
ფეხბურთელის ამჟამინდელი ღირებულება სამი მილიონი ევროა.
პირადი ცხოვრება
ამერიკაში გადასვლიდან სამ თვეში ამერიკული საფეხბურთო გუნდის ფეხბურთელმა, საყვარელ ქალს სალი კერატიშვილს სტადიონზე სთხოვა ხელი.
გოგონა საზოგადოებამ სერიალ "ჩემი ცოლის დაქალებიდან“ გაიცნო, სადაც ის "შაგუს" შეყვარებულს თამაშობდა.
წყვილი შტატებში ცხოვრობს და უკვე პირველ შვილს ელოდება.
იხილეთ ასევე:
მკითხველის კომენტარები /
42 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მადლობა ჩვენ ბიჭებს. არანაირი საყვეური ყოჩაღ რომ ასე ღირსეულად მიიღეთ "წაგება" მაგრად თამაშობთ მეც კი ვინც ვერ ერკვევა ფეხბურთში, სამაგიეროდ ქცევაში კარგად ვერკვევი აღტაცებული ვარ ასეთი დონის შეფასებით და გუნდის მიმართ პატივცისცემის გამოხატვის ფორმით. სანიოლს კი ასევე მადლობა რომ გუნდი ასე შეკრა და ბიჭები არ გადაამტერა ურთიერთს, როგორ უხარიათ ერთმანეთოს წარმატება და ეს სანიოლის დამსახურებაა. მადლობა მას და ჩვენ უმაგრეს ბიჭებს. ევროპაში გაგვიყვანეთთთთ აბა რაა....
ბრწინვალედ ევროპულად, ,ლამაზად არაჩევეულებრივი ქცევის ტაქტით! საამაყოდ მოიქცა ქართველი ახალგაზრდობა აქაც და კიოლნშიც. მშვენიერი წყვილია და იმედია მცირე შენიშვნებსაც გვაპატიებენ. რა ვქნათ ცოტა ზედმეტად ტრადიცულები ვართ და სიახლეზე ვრეაგირებთ. მოკლედ არანაირი დამარცხებ,ა წინ არჩევნებია, გამარჯვება წინ გვაქვს. უულამაზესი გოგოა და ჩცდ-შიც ძალიან საყვარელია და მშვენივრად გაართვა როლს თავი, ისე როგორც მისმა მეუღლემ ამ რთულ თამაშს! მადლობა და ბედნიერება ორივეს.და ჩვენ დატანჯულ ქვეყანას.