26 ივნისს, ახმეტელის თეატრში ანე ფრანკის დაბადების დღეს "აღინიშნება"!

სპექტაკლი „ანე ფრანკის დღიური“ ახმეტელის თეატრში მიმდინარე წელს დაიდგა. პრემიერა 27 იანვარს - ჰოლოკოსტის მსხვერპლთა ხსოვნის საერთაშორისო დღეს შედგა.

26 ივნისს, ახმეტელის თეატრს ისრაელიდან ეწვევა ცნობილი ებრაელი მხატვარი - პოლინა ჩიჟევსკაია . თეატრის ფოიეში 18 :00 საათზე გამოფენა „ომი და მშვიდობა“ გაიხსნება სადაც ქართველი ბავშვების ნახატებთან ერთად პოლინა ჩიჟევსკაის ისრაელიდან ჩამოტანილი - მისი სამხატვრო სკოლის მოსწავლეების მიერ ომის თემატიკაზე შექმნილი ნამუშევრები გამოიფინება .

19 :00 საათზე კი თეატრის დასი სპექტაკლს „ანე ფრანკის დღიური“ წარმოადგენს.

გამოფენა ახმეტელის თეატრში 14 ივლისამდე - თეატრში სეზონის დასრულებამდე გასტანს.

პროექტი ხორციელდება ისრაელის სახლთან თანამშრომლობით.

„მე ანე ფრანკი მქვია. დავიბადე გერმანიაში 1929 წლის 12 ივნისს. ჩვენ სუფთა სისხლის ებრაელები ვართ...უცნაური გრძნობა მიპყრობს, როცა ვიცი, რომ

ქუჩაში გასვლა არ შემიძლია, არ შემიძლია სუფთა ჰაერი ვისუნთქო, ვისეირნო, ვირბინო...“

ახმეტელის თეატრში „ანე ფრანკის დღიური“ (ფრენსის გუდრიჩისა და ალბერტ ჰაკეტის პიესის მიხედვით) რეჟისორმა ოთარ ქათამაძემ განახორციელა.

მეორე მსოფლიო ომის პერიოდში - ნაცისტური ოკუპაციის დროს, 1942 წლის 12 ივნისიდან 1944 წლის 1 აგვისტომდე თავშესაფარში გამოკეტილი, 13 წლის

ებრაელი გოგონა ანელიზ ფრანკი დღიურს წერს - ნაწერები სავსეა ტრაგიკული განცდითა და თავისუფლების სურვილით - სურვილით, რომელიც ანესა და

ათასობით ებრაელისთვის აუხდენელი დარჩა.

სპექტაკლში მსახიობები ცოცხლად ასრულებენ ებრაულ სიმღერებს - მუსიკალური კონსულტანტი და ვოკალის პედაგოგი ვილი გრიგორიანია,

კონცერტმაისტერი - ტატიანა სტარიკოვსკაია, მხატვარი - ირაკლი ბილისეიშვილი, კოსტიუმების მხატვარი - მარიკა კვაჭაძე, არანჟირების ავტორი კი - ბოგდან სლუტი.

მონაწილეობენ: ანა ჯავახიშვილი, ნინუცა ნაჩხატაშვილი, ოთო ჩიქობავა, ანანო გულედანი, გვანცა კანდელაკი, სოფია სებისკვერაძე, მამუკა მაზავრიშვილი,

ჯორჯი დვალიშვილი, ლუკა ფესვიანიძე, ნინო ციმაკურიძე, დავით ასპანიძე, თამარ ბეჟუაშვილი.

სპექტაკლი ორ მოქმედებად.

R