გარდაიცვალა მსახიობი დონალდ საზერლენდი - "მე მას კინოს ისტორიაში ერთ-ერთ ყველაზე მნიშვნელოვან მსახიობად მივიჩნევ"

88 წლის ასაკში გარდაიცვალა მსახიობი დონალდ საზერლენდი - ისეთი ფილმების ვარსკვლავი, როგორიცაა "შიმშილის თამაშები“, "განშორების ექვსი გრადუსი“, "ძარცვა იტალიურად“ და ა.შ.

მსახიობის გარდაცვალები ამბავი მისმა ვაჟმა კიფერმა გაავრცელა.

"დამძიმებული გულით უნდა გითხრათ, რომ მამაჩემი, დონალდ საზერლენდი გარდაიცვალა. მე მას კინოს ისტორიაში ერთ-ერთ ყველაზე მნიშვნელოვან მსახიობად მივიჩნევ. ის შესანიშნავად ასრულებდა ყველა როლს - კარგს, ცუდსა თუ ბოროტს... უყვარდა თავისი საქმე და აკეთებდა იმას, რაც უყვარდა. ბედისწერისგან მეტის მოთხოვნა შეუძლებელია. მან კარგი ცხოვრებით იცხოვრა...”- თქვა კიფერმა.

დონალდ საზერლენდის წარმატებული კარიერა დაიწყო 1970-იან წლებში, როდესაც ითამაშა ქირურგი პირსის როლში ამერიკულ სატელევიზიო შოუში MASH. მთლიანობაში საზერლენდმა შემოქმედებითი კარიერის განმავლობაში თითქმის 200 როლი ითამაშა.

ის კანადაში დაიბადა, სადაც თავდაპირველად რადიო რეპორტიორად მუშაობდა. 1957 წელს მომავალი მსახიობი გადავიდა ლონდონში, სადაც სწავლობდა ლონდონის მუსიკისა და დრამატული ხელოვნების აკადემიაში. შემდეგ მან ითამაშა მცირე როლები ბრიტანულ კინოსა და სატელევიზიო ფილმებში. 1971 წლიდან კი იწყება მისი კარიერის განსაკუთრებული აღმასვლა.

დონალდ საზერლენდი ოთხი ვაჟისა და ერთი ქალიშვილის მამა გახლდათ.

კომერციული წარმატებისა და კრიტიკოსების მოწონების მიუხედავად, ის არასოდეს ყოფილა ნომინირებული "ოსკარზე", მაგრამ 2017 წელს მიიღო საპატიო ჯილდო კინემატოგრაფში შეტანილი წვლილისთვის.