"მტაცებლებმა დასახლებულ ადგილებში დაიწყეს გამოჩენა" - ხელისუფლებამ ლომების დახოცვის ბრძანება გასცა: რა ხდება ზამბიაში

ზამბიის ხელისუფლებამ ორი ლომი მოკლა - მოსახლეობა შეშინებულია მას შემდეგ, რაც მტაცებლებმა დასახლებულ ადგილებში დაიწყეს გამოჩენა. ლომებმა ორი კვირის განმავლობაში 16 ძროხა დახოცეს. ერთ-ერთმა მაცხოვრებელმა სახელმწიფო მაუწყებელს ZNBC-ს განუცხადა, რომ ადამიანებს სახლებიდან გამოსვლის ეშინიათ.

• მიუხედავად იმისა, რომ ლომები მხოლოდ პირუტყვებს ესხმიან თავს, ადამიანის სიცოცხლეც საფრთხეშია - ამ მიზნით, ხელისუფლებამ რამდენიმე სკოლის დახურვის გადაწყვეტილება მიიღო.

"არსებობს რეალური საშიშროება, რომ მოსწავლეებს სკოლისკენ მიმავალ გზაზე დაესხან თავს. ადამიანის სიცოცხლის დასაცავად და მსგავსი შემთხვევების პრევენციისთვის ზოგიერთი სკოლა დაიხურება", - თქვა საოლქო კომისარმა, სიმეონ მაჩაიმ.

ადგილობრივი გაზეთის, Lusaka Times-ის ინფორმაციით, ბოლო შემთხვევისას ლომები თავს ურემს დაესხნენ, რომლითაც პაციენტი საავადმყოფოში გადაჰყავდათ.

წყარო: bbc