მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მინდა გამოვეხმაურო იმ ანტი პიარ კამპანიას..." - რას წერს ზაზა ფაჩულიას მეუღლე სოცქსელში გავრცელებულ მძიმე კადრებზე
17:01 / 20-06-2024
რამდენიმე დღის წინ სოციალურ ქსელში გავრცელდა ფოტოები, რომელიც ზაზა ფაჩულიას კალათბურთის აკადემიაშია გადაღებული. მოქალაქე წერდა, რომ აკადემიაში ანტისანიტარია იყო და ადმინისტრაციასთან დაკავშირებას ითხოვდა. პოსტს უამრავი გამოხმაურება მოჰყვა, მათ შორის აკადემიის და ფაჩულიას მეუღლის მხრიდანაც.
ზაზა ფაჩულიას მეუღლე, თიკა ალავიძე "ფეისბუქზე" წერს:
"მინდა გამოვეხმაურო იმ ანტი პიარ კამპანიას რაც ზაზა ფაჩულიას კალათბურთის აკადემია • Zaza Pachulia Basketball Academy წინააღმდეგ წამოიწყეს “კონკრეტულ ჯგუფებში”! როგორც მოგეხსენებათ აკადემიაში მიმდინარეობს რემონტი და 80% უკვე დასრულებულია! რაც შეეხება უფრო მეტ ინფორმაციას აკადემიის ოფიციალური გვერდი მოგაწვდით! არ ვიცი რას ემსახურება ეს ყველაფერი, მაგრამ მინდა გითხრათ, რომ ჩვენ ისევ გავაგრძელებთ კარგი საქმეების კეთებას და კიდევ უამრავ ბავშვს გაუკვლევთ გზას!" - წერს ალავიძე.
აკადემიის განცხადება:
"ზაზა ფაჩულიას კალათბურთის აკადემიის“ ადმინისტრაციის სახელით, გვინდა გამოვეხმაუროთ ერთ-ერთ ჯგუფი განთავსებულ პოსტს, რომელმაც დიდი ვნებათა ღელვა გამოიწვია ჩვენს ირგვლივ. ყოველთვის ვიკავებთ თავს გამოხმაურებებისგან და ვცდილობთ ყველა კომენტარი გავითვალისწინოთ და ჩვენს ძლიერ მხარედ ვაქციოთ, მაგრამ ეს ის შემთხვევაა, როდესაც განთავსებული ინფორმაცია სრულიად არ შეესაბამება რეალობას და დროში აცდენილი ფოტოებითა და ინფორმაციით ცდილობენ ჩვენი სახელის შებღალვას.
ამიტომ მართებულად ჩავთვალეთ, არსებული სიტუაციის მოკლე მიმოხილვა შემოგთავაზოთ, რადგან ჩვენი სახელის ქვეშ ათასობით ბავშვი, მოზარდი და მათი ოჯახები ერთიანდება და პირველ რიგში, არ გვინდა, რომ ისინი დაზარალდნენ, ან არასწორი ინფორმაციის მსხვერპლები გახდნენ. ჩვენს აკადემიაში უკვე 1 წელია მიმდინარეობს სარეაბილიტაციო-სარემონტო სამუშაოები, რომლებიც სამ ეტაპად იყოფა:
პირველ ეტაპზე - განახლდა დარბაზები, ფიზიკური მომზადების სივრცე და შესაბამისი ინფრასტრუქტურა. რადგან სავარჯიშო პროცესი პრიორიტეტი და უპირველესია ჩვენთვის და არ გვინდოდა ბავშვებისთვის რეაბილიტაციას ხელი შეეშალა, სწორედ ამ სივრცეებით დავიწყეთ.
მეორე ეტაპზე - სრულად განახლდა და მოეწყო მშობლების მოსაცდელი სივრცე, სადაც მშობლებს კომფორტულად შეუძლიათ დაელოდონ ბავშვებს. ასევე პარალელურად დასასრულს უახლოვდება მეორე სართულის სარემონტო სამუშაოები, სადაც ZPA სპორტული სასტუმრო გაიხსნება და რეგიონებიდან ჩამოსულ ბავშვებს ჩვენთან ცხოვრება და ვარჯიში შეეძლებათ.
მესამე ეტაპი - პირველი სართულია, სეზონის დასრულებისთანავე დაიწყება ადმინისტრაციული სივრცეებისა და გასახდელი ოთახების რეაბილიტაცია, რითაც მთლიანად დასრულდება მთელი შენობის განახლება.
ცხადია, იცით, რომ პარალელურად ვერ ჩატარდებოდა სამუშაოები, რადგან არ გვინდა სავარჯიშო პროცესს ხელი შეეშალოს. ჩვენთვის ყოველთვის პრიორიტეტი იყო, არის და იქნება ბავშვების განვითარება და აღნიშნული ცვლილებებიც სწორედ ამ მიზანს ემსახურება. ჩვენი მიზანი იმდენად ნათელია, რომ ორიენტირი უცვლელი რჩება, აკადემიის აუგად მოხსენიების ვერანაირი მცდელობა დაგვახევინებს უკან, რადგან ნამდვილად ჩვენს ქვეყნის და ჯანსაღი მომავალი თაობის აღზრდას ვემსახურებით.ჩვენი სიტყვების დასადასტურებლად პოსტს თან ვურთავთ ფოტო-მასალას, რომელიც ნამდვილად ახალი და რეალურია. კიდევ ერთხელ გთხოვთ, ნუ შეგყავთ საზოგადოება შეცდომაში და გავუფრთხილდეთ ერთმანეთს, ამ შედეგის უკან, რასაც ახლა ფოტოებში ხედავთ, ძალიან ბევრი ადამიანის შრომა და უდიდესი რესურსი დგას" - ნათქვამია განცხადებაში.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
