"დამამცირებელი შემთხვევა" ჩრდილოეთ კორეაში - რუსული დელეგაციის წარმომადგენლები, მათ შორის, ლავროვი შეხვედრის ოთახიდან გააძევეს (ვიდეო)
ჩრდილოეთ კორეაში რუსეთის საგარეო საქმეთა მინისტრი ლავროვი, თავდაცვის მინისტრი ბელუსოვი, ჯანდაცვის მინისტრი მურაშკო და რუსული დელეგაციის სხვა წევრები შეხვედრის ოთახიდან გააძევეს. ეს ყველაფერი კი იმიტომ, რომ ისინი ოთახში კიმ ჩენ ინის მისვლამდე შევიდნენ - ინფორმაციას ტელეგრამში Nexta ავრცელებს.
როგორც არხი წერს, დელეგაციის წევრები თავს "დამცირებულებად გრძნობენ".
<script async src="https://telegram.org/js/telegram-widget.js?22" data-telegram-post="nexta_live/78184" data-width="100%"></script>- ცნობისთვის, ვლადიმერ პუტინი ჩრდილოეთ კორეაში ჩავიდა. პუტინის მიღების ცერემონია ჩრდილოეთ კორეის დედაქალაქის ცენტრში, კიმ ილ სუნგის მოედანზე გაიმართა. ოფიციალური შეხვედრის წინ გაკეთებულ კომენტარებში კიმმა გამოხატა "სრული მხარდაჭერა და სოლიდარობა რუსეთის მთავრობის, სამხედროებისა და ხალხის ბრძოლისადმი", კონკრეტულად მიუთითა უკრაინაში მიმდინარე ომზე მოსკოვის მიერ “საკუთარი სუვერენიტეტის, უსაფრთხოებისა და ტერიტორიული სტაბილურობის დასაცავად”.
პუტინის ვიზიტი რუსეთში კიმის ვიზიტს მოჰყვა, ეს უკანასკნელი რუსეთს გასულ წელს ესტუმრა. მაშინ ნათლად გამოჩნდა, რომ ორმა ლიდერმა ურთიერთობების ახალი თავი გახსნეს, რაც პუტინის საჭიროებას უკავშირდებოდა, ჩრდილოეთ კორეული იარაღი მიეღო.