"ამაყი ვარ გუშინდელი დღით..." - რას წერს დორტმუნდში, საქართველოს ჰიმნის მოსმენისას ატირებული თემურ ქეცბაია?
ალბათ ბევრმა იხილეთ euro2024-ზე, თურქეთ-საქართველოს მატჩისას, საქართველოს ჰიმნის მოსმენის დროს ატირებული თემურ ქეცბაია. საქართველოს ნაკრების ყოფილი ფეხბურთელი და ყოფილი მწვრთნელი ისტორიული მატჩის შემდეგ სოციალურ ქსელში პოსტს აქვეყნებს.
"ამაყი ვარ გუშინდელი დღით და საქართველოს ნაკრების თამაშით. გამართულად და ხარისხიანად ვითამაშეთ, ტრიბუნაზე ქართველი გულშემატკივარი არ გაჩერებულა და ალბათ ყველამ თავის ოჯახის წევრის, ახლობლის თუ მეგობრის წილი ხმა ჩამოიტანა გერმანიამდე. ისტორიული ამბის მონაწილეები ვართ და მჯერა, შემდეგ მატჩებში კიდევ უფრო უკეთესად ვითამაშებთ. ჩვენი პირველი გამოცდა მაღალ დონეზე ჩავაბარეთ და მადლობა ყველას, ვინც გუშინდელი დღე ასეთი დასამახსოვრებელი გახადა, წარმატებები ჩვენს ეროვნულ გუნდს", - წერს ყველასთვის საყვარელი ფეხბურთელი.
შეგახსენებთ,18 ივნისს, გერმანიაში, ევროპის ჩემპიონატზე საქართველოს ეროვნულმა ნაკრებმა პირველი, ისტორიული მატჩი გამართა. ჩვენი გუნდი თურქეთს დაუპირისპირდა. მატჩი საბოლოოდ თურქების გამარჯვებით, ანგარიშით 3-1 დასრულდა.
მთელი მატჩის განმავლობაში უშეღავათო ბრძოლა იყო. ჩვენმა ფეხბურთელებმა თავდადება და თავგანწირული თამაში აჩვენეს, თუმცა ყველაფერს უიღბლობაც დაემატა. განსაკუთრებით დაძაბული მატჩის ბოლო წუთები იყო, როცა ჩვენმა გუნდმა შტურმი მოაწყო მეტოქის კართან, თუმცა გოლი არ გასულა.
იხილეთ ასევე: