მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩემს მეგობრებს გავყევი სახლში და..." - ჯასტინ ტიმბერლეიკი დააკავეს - რა გახდა ამის მიზეზი და რას წერს მედია
13:30 / 19-06-2024
როგორც BBC-ს ადგილობრივმა თანამდებობის პირებმა განუცხადეს, პოპ ვარსკვლავი ჯასტინ ტიმბერლეიკი ნიუ-იორკში, მანქანის არაფხიზელ მდგომარეობაში მართვის ბრალდებით დააკავეს.
ტიმბერლეიკი სეგ-ჰარბორში, ჰემპტონსის მდიდრულ სოფელში იმყოფებოდა, რომელიც ლონგ-აილენდზე ვარსკვლავების პოპულარული საზაფხულო დასასვენებელი ადგილია.
მას ბრალდება ოფიციალურად წაუყენეს და თავდების გადახდის გარეშე გამოუშვეს.
BBC-ს ცნობით, ბრალდების დოკუმენტში ნათქვამია, ტიმბერლეიკი შუაღამის შემდეგ (05:37 საათზე) დააკავეს. პოლიციელებმა მისი BMW იმიტომ გააჩერეს, რომ ავტომობილმა გასაჩერებელ ნიშანს ჩაუარა და მარჯვენა მხარეს გეზის შენარჩუნებას ვერ ახერხებდა.
ოფიცრებმა დააფიქსირეს, რომ ტიმბერლეიკს "ჩასისხლიანებული და მინისებრი თვალები" და "ალკოჰოლური სასმლის მძაფრი სუნი ამოსდიოდა", მისი მეტყველება შენელებული იყო და პოლიციელების სიფხიზლის შემოწმებისას დავალებას თავი კარგად ვერ გაართვა. მოხელეების თქმით, მომღერალმა სუნთქვის ტესტზე უარი თქვა.
"ერთი მარტინი დავლიე და ჩემს მეგობრებს სახლში გავყევი", - უთხრა ტიმბერლეიკმა პოლიციელს.
მომღერალი სეგ-ჰარბორის სასამართლოში სხდომას 26 ივლისს ონლაინ უნდა ჩაერთოს. მისმა ადვოკატმა, ედვარდ ბერკ ჯუნიორმა, BBC-სთან ერთად მომუშავე CBS-ის თანამშრომლებს განუცხადა, რომ იგი "აქტიურად დაიცავს კლიენტს".
43 წლის ტიმბერლეიკი მისი მეექვსე ალბომის - Everything I Thought It Was შემდეგ გლობალური ტურნეს დაწყებას გეგმავს.
ბიჭების ბენდის, NSYNC-ის ყოფილმა წევრმა, მომღერალმა და მსოფლიოში ერთ-ერთმა ყველაზე პოპულარულმა მუსიკალურმა არტისტმა, ასევე ითამაშა კინოფილმებში, მათ შორის The Social Network და Friends With Benefits.
წარსულში ჯასტინმა აღიარა, რომ ზედმეტი სმის პრობლემის გამო დახმარებას იღებდა. ნიუ-იორკის შტატში ნასვამ მდგომარეობაში მართვისთვის სასჯელი ერთ წლამდე პატიმრობას, $1,000 ჯარიმას და სულ მცირე 6 თვით მართვის მოწმობის ჩამორთმევას მოიცავს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
