ცნობილი დეპუტატის სარძლო, ანუკის ახალი კოლექციის სახე, გოგონა ფრანგული იერით - ვინ არის მოდის სფეროს ახალი ვარსკვლავი, ულამაზესი ლიკუნა სტურუა (ფოტოები)
დიზაინერმა ანუკი არეშიძემ 2025 წლის Resort კოლექცია წარადგინა. კოლექციის სახელწოდებაა Midnight summer - ANOUKI RESORT 2025 - ასე ჰქვია ანუკი არეშიძის ახალ კოლექციას, რომელიც დიზაინერმა სოციალურ ქსელში გამოაქვეყნა.
ფოტოები კახეთში, ბუნებაშია გადაღებული, მოდელი ტბის პირას ან მინდორში პოზირებს. ერთ-ერთ ფოტოზე კი ხელში ბატკანი ჰყავს.
PHOTO: ABDULLARTUEV
ანუკიმ თავისი ახალი კოლექციის წარდგენა დამწყებ მოდელს, ლიკუნა სტურუას ანდო. გოგონა 22 წლის არის.
PHOTO @ABDULLARTUEV
PHOTO @ABDULLARTUEV
ლიკუნა სტურუა ნინო ცქიტიშვილის სააგენტოს look models management-ს წარმოადგენს და მოდის სფეროში პანდემიის შემდეგ, 21 წლის ასაკში გამოჩნდა..
გოგონა 2023 წლის იტალიური Elle Spose-ის გარეკანზე დაბეჭდეს. იქამდე იყო Armani-ს ზამთრის კოლექციის ჩვენებაზე, რომელზეც შვეიცარიაში გამოვიდა. ლიკუნა მანამდე კასტინგზე ნახეს და მაშინვე მოეწონათ, ეს იყო მისი პირველი ჩვენება მოდის სფეროში.
კიდევ ერთი გადაღება Elle Japan-ის გარეკანისთვის იყო. სწავლობდა მილანის უნივერსიტეტში ვიზუალური ხელოვნების განხრით.
ამბობს, რომ უყვარს კითხვა, ქსოვა, კერამიკა. როგორც ერთ-ერთ ინტერვიუში ჰყვება, მისი ცხოვრება თმის მოკლედ შეჭრის შემდეგ შეიცვალა, ეს გადაწყვეტილება სპონტანურად მატილდა გვარლიანის დამსახურებით მიიღო.
ლიკუნა ტიკ-ტოკზეც აქტიურია, სადაც გამომწერებისთვის სხვადასხვა შინაარსის ვიდეოებს წერს და მათ თავის ყოველდღიურობას უზიარებს. ერთ-ერთ ვიდეოში ამბობს, რომ გარეგნობის გამო, ხშირად ფრანგი ჰგონიათ. ასე მოხდა ტოკიოში და მილანშიც.
ლიკუნა სტურუა შეყვარებულია. რჩეულის ფოტოები სოციალურ ქსელ "ინსტაგრამზე" აქვს გამოქვეყნებული. გოგონას საყვარელი ადამიანი პოლიტიკოს მიხეილ ყაველაშვილის ვაჟი, გურამ ყაველაშვილია.
ფოტოებზე, სადაც შეყვარებულები ერთად არიან გადაღებულები, ერთ-ერთი მომხმარებელი წერს:
"მმმ, რა კარგია ევროპები... მაგის მამიკოს უთხარი, რომ ჩვენ ნუ გვიკეტავს კარგი მომავლისკენ გზას“.
უფრო მეტი გურამ ყაველაშვილზე
გური ყაველაშვილი დეპუტატ მიხეილ ყაველაშვილის ვაჟია. დეპუტატს ორი შვილი ჰყავს, მარიამი და გურამი. გურამი 2001 წელს ინგლისში, მანჩესტერში დაიბადა. გურამის დედა თამარ ბაგრატიონია - ცნობილი მომღერლის ლიზა ბაგრატიონის და.
გური ყაველაშვილი ფეხბურთელია. ის ახლა თელავის გუნდში თამაშობს. ყაველაშვილის სპორტული კარიერა 2018 წელს დინამოს აკადემიაში დაიწყო, თელავამდე თამაშობდა ცხინვალის გუნდში, შემდეგ კი რუსთავში. გურამ ყაველაშვილი მამამ 2024 წლის დეკლარაციაშიც მოიხსენია. მისი სახელფასო შემოსავალი 4655,61 ლარია.
წაიკითხეთ ასევე;