ინდოელი ექიმი აცხადებს, რომ ნაყინის ჭამისას, დესერტში ადამიანის მოჭრილი თითი იპოვა - მედიაში შემზარავი ფოტოები ვრცელდება
ორლემ ბრენდონ სერაო 13 ივნისს, მუმბაიში საკუთარ სახლში დასთან ერთად იყო, როდესაც გადაწყვიტეს, რომ ადგილობრივი ბრენდის Yummo-ს სამი ნაყინი შეეკვეთათ. პროდუქტი კომპანიამ სახლში მიუტანა.
როდესაც სერაომ ნაყინის მირთმევა დაიწყო, მოულოდნელად ენაზე მყარი საგანი იგრძნო, საბედნიეროდ არ გადაუყლაპავს და რამდენიმე წამში აღმოაჩინა, რომ პირიდან ადამიანის მოჭრილი თითი გამოიღო.
შემზარავ სურათები, სადაც ნაჩვენებია კარამელის არომატიან ნაყინში თითის ნაწილი, მსოფლიო მედიაში გავრცელდა.
”მე ექიმი ვარ, ამიტომ ვიცი, როგორ გამოიყურება სხეულის ნაწილები.” - სერაოს თქმით, მან ყურადღებით შეისწავლა ობიექტი და გადაწყვიტა, რომ ეს ადამიანის თითი იყო, რომელსაც ჰქონდა ფრჩხილი და ანაბეჭდები.
მან თითი ყინულის კოლოფში მოათავსა და პოლიციაში წაიღო.
ადგილობრივი მედიის ინფორმაციით ხორცის ნაჭერი, რომელიც შესაძლოა, ადამიანს ეკუთვნოდეს სასამართლო ექსპერტიზაზე გაგზავნეს.
ანგარიშში ასევე ნათქვამია, რომ Yummo-ს ბრენდის წინააღმდეგ სასამართლოში საქმე აღიძრა. კომპანიას დაბინძურებული საკვების გავრცელებასა და ადამიანის სიცოცხლის საფრთხის წინაშე დაყენებას ედავებიან.