მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სელინ დიონის თქმით, ჯანმრთელობის პრობლემების შემდეგ “ის დაბრუნდა”
14:32 / 14-06-2024
სელიონ დიონის საკულტო ხმის მოსმენის იმედი ფანებს თითქმის გადაწურული ჰქონდათ. "უკვე დიდი ხანია, ჯანმრთელობის პრობლემებთან ვიბრძვი," - მან ინსტაგრამზე გამოქვეყნებულ ვიდეოში 2022 წლის დეკემბერში თქვა, - "ძალიან იშვიათი ნევროლოგიური დარღვევის დიაგნოზი დამისვეს", - განცხადების შემდეგ, დიონმა მსოფლიო ტურნეს დარჩენილ ნაწილზე უარი თქვა და მას შემდეგ საზოგადოებაში იშვიათად ჩნდებოდა.
მისი ნაკლებად ცნობილი დაავადების სამედიცინო სახელწოდება Stiff Person Syndrome-ია (SPS), ნევროლოგიური დაავადება, რომელიც კუნთების სპაზმს იწვევს. ახალ ინტერვიუში სელინი აღნიშნავს, რომ წლების განმავლობაში ეს დაავადება დაუდგენლად მიმდინარეობდა.
56 წლის მომღერალი იმ სტრესს აღწერს, რომელსაც როგორც შემსრულებელი განიცდიდა, როდესაც ტურნეს დროს მის ხმაში ცვლილებების შემჩნევა დაიწყო.
"უბრალოდ, ცოტა უცნაურად ვგრძნობდი თავს, როგორც პატარა სპაზმის დროს”, - ამბობს კანადელი ვარსკვლავი, - "ჩემს ხმას უჭირდა, ცოტა ძალის დატანებას ვიწყებდი".
დროდადრო, ის თავისი აკომპანემენტის დირიჟორს სთხოვდა, რამდენიმე შესრულებისთვის სიმღერები უფრო დაბალ ტონალობაში დაეწია: "უნდა მომეძებნა გზა სცენაზე ყოფნისთვის”, - ამბობს ის. იმედოვნებდა, რომ დაბალ ტონალობაში სიმღერა მის ხმას აღდგენის შანსს მისცემდა.
სელინი ამბობს, რომ იმ დროს შეუძლებლად მიაჩნდა შესვენების აღება. "შოუები ერთი წლისა და ექვსი თვის განმავლობაში, მსოფლიო მასშტაბით უკვე გაყიდული იყო. რა უნდა მეთქვა ხალხისთვის, ბოდიში ჩემი სპაზმის გამო?"
მისმა საბოლოო დიაგნოზმა გააცნობიერებინა, რომ ეს ტურნეს გამო გადაღლილობა არ იყო, არამედ, საქმე ქრონიკულ კონდიციასთან ჰქონდა. SPS ავტოიმუნური დაავადებაა, რომლის მკურნალობის საშუალება ცნობილი არ არის. ის გამოწვეულია იმით, რომ ნერვებიდან კუნთებისკენ მიმავალი სიგნალები სათანადოდ არ მუშაობს. განსაკუთრებით მძიმე ეპიზოდის დროს, სპაზმები იმდენად მძიმე შეიძლება იყოს, რომ ის ძლივს მოძრაობს.
შესრულების გარეშე გატარებულ პერიოდში, სელინი მედიკამენტებით, ფიზიკური თერაპიითა და ექსპერტების დახმარებით ცდილობდა ადაპტირებას. მისი ექიმის, ამანდა პიკეს თქმით, სელინი მთელი ცხოვრების განმავლობაში ამ მდგომარეობასთან ერთად იცხოვრებს, მაგრამ თერაპია, რომელსაც ის კუნთების სპაზმების შესამცირებლად გადის, მას სცენაზე გამოსვლის საშუალებას კვლავ მისცემს.
"ჩემი ხმა აღდგება", - ამბობს სელინი. "ვგულისხმობ, რომ ეს პროცესი უკვე გარკვეული ხნის წინ დაიწყო. ჩემი ხმა ამ წუთებშიც, როცა ვსაუბრობთ, აღდგენის პროცესშია."
ფანები შეძლებენ ნახონ, თუ როგორ იმოქმედა მომღერლის ჯანმრთელობის პრობლემებმა მის ცხოვრებაზე ახალ დოკუმენტურ ფილმში სახელწოდებით I Am: Celine Dion. მომღერალი ლას-ვეგასში ახალი შოუსთვის ემზადება.
"ამ შოუს მოსამზადებლად ძალიან ბევრი ვიმუშავეთ, რადგან მე დავბრუნდი", - აღნიშნავს ის, - "სცენაზე ვიქნები. არ ვიცი, ზუსტად როდის, მაგრამ მენდეთ, ამას ხმამაღლა დავიყვირებ. ერთი სული მაქვს".
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
