როგორ მოაწყოთ პაემანი სახლში

პაემანი რომანტიკული ურთიერთობის განუყოფელი ნაწილია. ეს არის შესაძლებლობა მხიარულად გაატაროთ დრო, უკეთ გაიცნოთ ერთმანეთი და უფრო დაახლოვდეთ. ერთად კარგი დროის გასატარებლად თქვენ არ გჭირდებათ უჩვეულო ადგილების ძებნა. ზოგჯერ ამის გაკეთება სახლშიც შეგიძლიათ.

კინოს საღამო

დაიწყეთ რეგულარული კინოს საღამოების ტრადიცია. რომანტიკული კომედიები საუკეთესოდ შეეფერება სახლის პაემნებს, ისინი მომენტალურად შეგიქმნით სასიამოვნო განწყობას. ასეთი კინოს საღამოების მოწყობა შეგიძლიათ დღესასწაულებზეც, მაგალითად, ჰელოუინის წინ საშინელებათა ფილმების ყურება ან ახალი წლის ღამეს საახალწლო ფილმების ყურება. იზრუნეთ სნექსა და სასმელზე.

მოაწყვეთ კულინარიული დუელი

რაც არ უნდა კარგი მზარეული იყოთ, სახლში მეგობრული კონკურენცია ყოველთვის სახალისოა. მოამზადეთ ერთნაირი კერძი თქვენს პარტნიორთან ერთად და შეამოწმეთ, ვინ გააკეთა უკეთესად. აანთეთ სანთლები ინტიმური ატმოსფეროს შესაქმნელად ვახშამზე და ისაუბრეთ ყველაფერზე.

სცადეთ ახალი ჰობი

დაიწყეთ ახალი ენის შესწავლა ან დარეგისტრირდით საინტერესო ონლაინ კურსებზე. ან, გაიარეთ რაიმე მასტერკლასი. შესაძლოა, ერთმა თქვენგანმა უკვე იცის, რისი სწავლა სურს მეორეს. მაგალითად, თქვენ ყოველთვის გინდოდათ ხატვა და თქვენმა რჩეულმა დაამთავრა სამხატვრო სკოლა. გაუზიარეთ ცოდნა ერთმანეთს და აღმოაჩინეთ ახალი ჰობი.

ითამაშეთ თამაშები

მოძებნეთ სამაგიდო თამაშები, რომლებიც დიდი ხანია შენახული გაქვთ და ერთად ითამაშეთ. თუ მოგწონთ ვიდეო თამაშები, შეგიძლიათ შეეჯიბროთ ერთმანეთს ან გაერთიანდეთ როგორც ერთი გუნდი მთავარი ბოროტმოქმედის დასამარცხებლად. კიდევ ერთი იდეაა კარტის თამაში. აირჩიეთ გასართობი თქვენი გემოვნებით და მხიარული საღამო გარანტირებულია.

გაუკეთეთ ერთმანეთს მასაჟი

ამისთვის დაგჭირდებათ ზეთი და პირსახოცი. თქვენ ასევე შეგიძლიათ განათავსოთ ანთებული სანთლები ოთახში და ჩართოთ დამამშვიდებელი მუსიკა. ყველაფერი ერთად ხელს შეუწყობს სასიამოვნო ატმოსფეროს შექმნას.

დაკავდით იოგით ან ფიტნესით

ბევრი ფიქრობს, რომ სპორტი და პაემანი ცუდი კომბინაციაა, მაგრამ ეს არაჩვეულებრივია, მით უმეტეს, თუ თქვენ და თქვენს საყვარელ ადამიანს დიდი ხანია გინდოდათ სპორტული აქტივობის დაწყება.

მუსიკა

თუ თქვენმა პარტნიორმა გიტარაზე დაკვრა იცის, ნება მიეცით თქვენც გასწავლოთ. თუ სახლში მუსიკალური ინსტრუმენტები არ გაქვთ, ჩართეთ კარაოკე და იმღერეთ დუეტში. ასევე, კარგი იდეაა ნოსტალგიური ატმოსფეროს შექმნა ფირსაკრავით.

GOKA-ს მწვანე ჩემოდნის ფირსაკრავი – აქვს ორი ჩაშენებული დინამიკი, რაც შესაძლებლობას გაძლევთ დაუკავშირდეთ ვინილების საკრავს Bluetooth-ით და სმარტ ფონიდან ჩართოთ სასურველი მუსიკა. GOKA უკრავს სამივე ზომის ფირფიტას (7/10/12), აქვს 3 სიჩქარე 33 1/3, 45, 78. დამატებით – AUX IN ბუდე და RCA პორტი, მათი საშუალებით შეგიძლიათ დაუკავშიროთ სხვა აუდიო სისტემას, ასევე აქვს ყურსასმენის 3,5 მმ ჯეკი.

დააგემოვნეთ სასმელები

შეგიძლიათ შეიძინოთ რამდენიმე ბოთლი უცნობი ღვინო და მოაწყოთ დეგუსტაცია. თუ არ გიყვართ ალკოჰოლი ან საერთოდ არ სვამთ, მოამზადეთ უჩვეულო უალკოჰოლო კოქტეილები.

თუ რომანტიკული ვახშმის მოწყობას გეგმავთ, შთამბეჭდავი საჩუქარი იქნება Istoria Wine-ის ბრჭყვიალა ღვინო, რომლის არჩევა ფერების მიხედვით შეგიძლიათ. ბრჭყვიალა ნახევრად ტკბილ ღვინოს 7 განსხვავებული ფერი აქვს. ღვინო შეგიქმნით რომანტიკისა და სიმყუდროვის ატმოსფეროს, რაც ყოველ წუთს, განსაკუთრებულსა და დაუვიწყარს აქცევს.

ნახატების დახატვა

გაატარეთ მხატვრული საღამო, ორივემ დახატეთ სურათი. მოამზადეთ ფურცლები, საღებავები და ფუნჯები, ან გამოიყენეთ ფანქრები, მარკერები და ფერადი კალმები. მოაწყვეთ პატარა კონკურსი, მაგალითად, დახატეთ ხილის თასი ან პეიზაჟი ფანჯრიდან და შემდეგ აირჩიეთ საუკეთესო. გააკეთეთ რაღაც თქვენი ხელით. იპოვეთ ვიდეო ნაბიჯ-ნაბიჯ ინსტრუქციებით ინტერნეტში და ერთად შექმენით პატარა ხელნაკეთობა თქვენი სახლისთვის. ეს გაგიუმჯობესებთ განწყობას და კიდევ უფრო გაგაერთიანებთ.

მოუარეთ თქვენს მცენარეებს

მცენარეები ამშვიდებს, ამიტომ მათზე ზრუნვა საღამოს გასატარებლად შესანიშნავი საშუალებაა. თქვენ შეგიძლიათ არა მარტო მორწყოთ ყვავილები, არამედ გამოიყენოთ სასუქი, ან გადარგოთ ისინი, თუ დრო დადგა.

"მებაღეობის დიდი ენციკლოპედია" დამწყებ მებაღეებსა და ჰარმონიული ბაღის საკუთარი ხელით შექმნის ყველა მსურველს პრაქტიკული ჩვევისა და მცენარის მოვლის ათასზე მეტ წესს სთავაზობს. ფერადი ილუსტრაციები და ფოტოსურათები ნაბიჯ-ნაბიჯ მიჰყვება ავტორის თხრობას. წიგნში თანმიმდევრულად და დეტალურად არის განხილული ყველა ეტაპი: ნიადაგის შემოწმება, მოვლა, ხეები, ბუჩქების დარგვა, ბოსტნისა და ვარდების ბაღის მოშენება, ხეების გასხვლა, მზადება მომავალი წლისთვის. ეს უნიკალური წიგნია მებაღეობისთვის.

უყურეთ ვარსკვლავებს

თუ აგარაკი გაქვთ, არაფერი გიშლით ხელს, რომ ბაღში გახვიდეთ და ღამის ცით ერთად დატკბეთ. ბინაში მცხოვრებს შეიძლება გქონდეთ აივანი ან დიდი ფანჯარა. ნებისმიერ შემთხვევაში, თქვენ, როგორც ბავშვობაში, შეგიძლიათ განიხილოთ კოსმოსისა და ვარსკვლავების თემა.