სტიქია ხარაგაულში - ადიდებულმა მდინარემ უხადურამ დააზიანა ხიდბოგირები, საავტომობილო გზები
ძლიერმა წვიმამ პრობლემები შექმნა ხარაგაულის მუნიციპალიტეტის სოფელ გედსამანიაში. ადიდებულმა მდინარემ უხადურამ დააზიანა ხიდბოგირები, საავტომობილო გზები. გადაადგილება შესაძლებელია მხოლოდ ფეხით. გზა დაფარულია ლოდებით და დიდი რაოდენობით ქვა ღორღით.
მოვარდნილმა წყალმა ავტომანქანები წაიღო და მდინარის კალაპოტში გადააგდო. დატბორილია ეზოები.
სტიქიის ადგილზე მთელი ღამე იმყოფებოდა ხარაგაულის მერი. მიმდინარეობს შესაბამისი სამუშაოები.