მნიშვნელოვანი ინფორმაცია
23
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პირველად ისტორიაში: "ქუთაისიც" ევროპაში "მიდის" - კოტე ტუღუში საკალათბურთო კლუბის წარმატებებზე გვესაუბრება
10:52 / 12-06-2024
- 1947 წლის ევროპის ჩემპიონატის ფინალში ქუთაისელმა ოთარ ქორქიამ 23 ქულა ჩააგდო და პირველი ქართველი გახდა, რომელმაც ევროპის ჩემპიონატის ოქროს მედალი დაიმსახურა.
- 1952 წელს მიუნხენში ქუთაისელებმა ზურაბ საკანდელიძემ და მიხეილ ქორქიამ ამერიკის ნაკრები დაამარცხეს და ოლიმპიური ჩემპიონობა მოიპოვეს.
- 1982 წელს, ასევე ქუთაისელი, ნიკოლოზ დერიუგინი კოლუმბიის დედაქალაქ ბოგოტადან მსოფლიო ჩემპიონის ოქროს მედლით დაბრუნდა.
თუნდაც მხოლოდ ამ თარიღებითა და შედეგებით ნათლად ჩანს ქალაქ ქუთაისის როლი ქართულ და არა მხოლოდ ქართულ კალათბურთში.
იმერეთის დედაქალაქისთვის 2024 წელიც ისტორიულია: საკალათბურთო კლუბ "ქუთაისმა“ მესამედ მოიპოვა საქართველოს ჩემპიონობა და ისტორიაში პირველად იასპარეზებს ევროტურნირებზე.
"ქუთაისი ქართული კალათბურთის აკვანია, ამ ქალაქიდან არაერთი ევროპის, მსოფლიოს თუ ოლიმპიური ჩემპიონია. აქ კალათბურთი სხვანაირად უყვართ, წარმოუდგენელი სიხარული და სიამაყეა, როდესაც საკალათბურთო კლუბი "ქუთაისი“ წარმატებას აღწევს“, - გვითხრა გუნდის მთავარმა მწვრთნელმა კოტე ტუღუშმა, რომელმაც კარიერაში მეხუთედ მოიგო საქართველოს ჩემპიონის ტიტული. იგი, ამავდროულად, სუპერლიგის ხუთგზის საუკეთესო მწვრთნელია.
ქუთათურთა წლევანდელი ნადავლი მხოლოდ სუპერლიგის ოქრო როდია - 2024 წელს ქუთაისის ახალგაზრდულმა გუნდმა საქართველოს 22-წლამდელთა ჩემპიონატიც მოიგო და ევროპის ახალგაზრდული ლიგაც. ახალგაზრდებსაც კოტე ტუღუში წვრთნის:
"ეს სეზონი გამორჩეული იმიტომაც იყო, რომ პირველად შეიქმნა ქუთაისის 22-წლამდელთა გუნდი, რომლისთვისაც 2024 წელი ტრიუმფით დასრულდა. საქართველოს ჩემპიონატის პარალელურად, მოვიგეთ ევროპის ახალგაზრდული ლიგა, რომელზეც ბევრი, მეტად ძლიერი გუნდი გამოდიოდა იტალიიდან, გერმანიიდან, ჩეხეთიდან, ბალტიისპირეთიდან... ფინალში ფინელები დავამარცხეთ“.
გამარჯვება წამიერი ემოცია არ არის, მას შედეგი აუცილებლად მოჰყვება - სწორედ ამ სეზონის შემდეგ ქუთაისში არაერთი საკალათბურთო პროექტი დაიგეგმა. მოიხაზა ახალი თანამედროვე საკალათბურთო დარბაზის კონტურები, ქალაქსა თუ რეგიონში გაიხსნა არაერთი საკალათბურთო აკადემია, ხოლო შემოდგომით "ქუთაისი“ ევროპულ საკლუბო კალათბურთში პირველად შეაბიჯებს...
"საქართველოს ჩემპიონის სტატუსით მონაწილეობას მივიღებთ ჩემპიონთა ლიგის საკვალიფიკაციო ეტაპზე, - განაგრძობს კოტე ტუღუში, - კარგად ვიცით, რომ წარმატებისთვის საჭიროა სტაბილურობა და ძლიერი შემადგენლობა. ამიტომ, ვცდილობთ ჩემპიონი გუნდის ძირითადი ბირთვი შევინარჩუნოთ, ასევე დავიმატოთ მაღალი კლასის კალათბურთელები, რომ ღირსეულად ვაჩვენოთ საქართველოს სახელი საერთაშორისო არენაზე“.
სიახლეებია გულშემატკივრების და მარკეტინგული კუთხითაც. 2023-24 წლების სეზონში შეიქმნა ფან-კლუბი "გრინ ბოისი“, რომელიც ერთგულად და ომახიანად დაჰყვებოდა გუნდს ყველა მატჩზე. 11 ივნისს კი გაიმართა საკალათბურთო კლუბ "ქუთაისზე“ დაწერილი საგულშემატკივრო სიმღერის პრეზენტაცია, რომელსაც რეპერი პაჯო ასრულებს.
ავტორი: ვაჟა სიმონიშვილი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ზურაბ ჯაფარიძეს საგამოძიებო კომისიის მოთხოვნის შეუსრულებლობის საქმეზე, 7 თვით თავისუფლების აღკვეთა მიესაჯა, ასევე აეკრძალა 2 წლის ვადით თანამდებობის დაკავება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
