მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თაღლითების შეტყობინებიდან 6 საათში ჩემი შვილი ცოცხალი აღარ იყო" - მსოფლიოს პრობლემა: როგორ უბიძგებენ სექს შანტაჟისტები მოზარდებს თვითმკვლელობისკენ?
10:57 / 10-06-2024
17 წლის ამერიკელი მოზარდის დედა, რომლის შვილიც ონლაინ გამომძალველების მსხვერპლი გახდა, BBC-სთან ამ ტრაგიკული მოვლენის შესახებ საუბრობს. ბიჭი თვითმკვლელობამდე რამდენიმე საათით ადრე შანტაჟის მსხვერპლი გახდა. დედა ცდილობს გააფრთხილოს სხვა მოზარდები და მათი მშობლები და სტატიაში ჰყვება პოტენციური საფრთხეების შესახებ.
2022 წელს ჯორდან დემაიმ Instagram-ზე თავისი ასაკის ლამაზი გოგონა გაიცნო. რამდენიმედღიანი ურთიერთობის შემდეგ კი თავისი ინტიმური ფოტოები გაუგზავნა. მალევე გაირკვა, რომ რეალურად უცნობი გოგონას ანგარიში ყალბი იყო და მის უკან 20 და 22 წლის ნიგერიელი თაღლითი ძმები იდგნენ.
მათ უკვე ხელთ ჰქონდათ მოზარდის ინტიმური ფოტოები, რის შემდეგაც ბიჭისთვის ფულის გამოძალვა და შანტაჟი დაიწყეს.
შეშინებული მოსწავლე ცდილობდა გამომძალველებისთვის თანხა გადაეხადა, მაგრამ მალე აღიარა, რომ ფული, უბრალოდ, არ ჰქონდა. პრობლემის გადასაჭრელად ჯორდანმა თვითმკვლელობაზე ფიქრი დაიწყო. ეს შანტაჟისტებსაც გაუმხილა, მაგრამ ამან მათზე არ იმოქმედა. უპასუხეს, რომ დროულად მიეღო გადაწყვეტილება, თორემ ამას თავად გააკეთებდნენ.
თვითმკვლელობის შემდეგ ძმები ნიგერიაში დააკავეს და მათი ექსტრადიცია ამერიკაში მოხდა, სადაც სასამართლოში აღიარეს, რომ მოზარდი თვითმკვლელობამდე მიიყვანეს. ორივე მათგანი ამჟამად განაჩენს ელოდება.
"თვითმკვლელობამდე ექვსი საათით ადრე თაღლითებმა ჯორდანს შეტყობინება გაუგზავნეს...“ - ამბობს მოზარდის დედა, ჯენ ბუტა, რომელიც ჩრდილოეთ აშშ-ში, მიჩიგანში ცხოვრობს.
"ფაქტობრივად, ინტერნეტში არსებობს მზა შაბლონი, თუ როგორ შეიძლება ჩაერთოთ გამოძალვაში, მსხვერპლზე ფსიქოლოგიური ზეწოლის გზით“, - ამბობს ქალი. "ხალხი, უბრალოდ, მიჰყვება შაბლონის ტექსტს და საბოლოოდ, ის მუშაობს“.
"ყველაფერი ძალიან სწრაფად ხდება", - ამბობს ჯენი.
”ერთ მსხვერპლთან დასრულების შემდეგ, თაღლითები დაუყოვნებლივ გადადიან მეორეზე: მათ მხოლოდ რაოდენობა აინტერესებთ".
ყველაზე ხშირად სექსუალური შანტაჟის მსხვერპლი მოზარდი ბიჭები ხდებიან.
მხოლოდ აპრილში, მსგავს საქმეზე კიდევ ორი ნიგერიელი დააკავეს, რომლებმაც დაახლოებით იგივე გზით მიიყვანეს ავსტრალიელი სკოლის მოსწავლე თვითმკვლელობამდე.
როგორც ირკვევა, სექსუალური შანტაჟის შემთხვევები იაპონიაშიც გაზრდილია, რომელიც ასევე ნიგერიიდან მოდის.
აშშ-ში გასული წლის განმავლობაში ასეთი ინციდენტების რაოდენობა გაორმაგდა (წინა წელთან შედარებით) - 26 ათასზე მეტი. ბოლო ორი წლის განმავლობაში გამოძალვის გამო სულ მცირე, 27 ამერიკელმა მოზარდმა მოიკლა თავი.
გასულ კვირას, ნიგერიის კიბერდანაშაულის ეროვნული ცენტრის ტექნიკოსები შეხვდნენ გაერთიანებული სამეფოს დანაშაულის ეროვნული სააგენტოს (NCA) კოლეგებს, რათა განიხილონ როგორ გააუმჯობესონ თანამშრომლობა კიბერდანაშაულთან ბრძოლაში, როგორიც სექსუალური გამოძალვაა.
გასულ თვეში NCA-მ გამოსცა გაფრთხილება საფრთხის შესახებ ბავშვებისა და სკოლებისთვის.
სააგენტოს თქმით, დანაშაულის წყარო უცხოური ორგანიზებული დანაშაულებრივი ჯგუფებია, ძირითადად დასავლეთ აფრიკის ზოგიერთი ქვეყნიდან, ასევე სამხრეთ-აღმოსავლეთ აზიიდან. კიბერუსაფრთხოების ექსპერტები ამბობენ, რომ ასეთი დანაშაულები ხშირად შეიძლება უკავშირდებოდეს ნიგერიულ კრიმინალურ ჯგუფს Yahoo Boys.
ამ წლის დასაწყისში ამერიკულმა კიბერკომპანიამ TikTok-ზე, YouTube-სა და Scribd-ზე ჩატარებული ანალიზის შემდეგ, აღმოაჩინა რჩევები, თუ როგორ უნდა დააშანტაჟონ მოზარდები.
ნიგერიის კიბერდანაშაულის ცენტრის დირექტორმა, უჩე იფეანი ჰენრიმ BBC News-ს განუცხადა, რომ დამნაშავეები დაუსჯელი არ დარჩებიან.
”ადამიანები, რომლებიც ფიქრობენ, რომ ნიგერიის ხელისუფლება არ უთმობს საკმარის რესურსებს და ყურადღებას ამ პრობლემას, უბრალოდ, სასაცილოა,” - თქვა მან.
მისი თქმით, ის ფაქტი, რომ ნიგერიის მთავრობამ მილიონები დახარჯა უახლესი კიბერდანაშაულის ცენტრის მშენებლობაზე, აჩვენა, რომ იგი სერიოზულად ეკიდება პრობლემას - განსაკუთრებით, სექსუალურ შანტაჟს.
ამ დანაშაულის რიცხვი ნიგერიაშიც გაზრდილია.
ნიგერიის Digital Footprints-ის დოქტორი ტომბარი სიბეს თქმით, ბევრი ნიგერიელისთვის, განსაკუთრებით ახალგაზრდა ტექნოლოგიური თაობისთვის - სხვადასხვა სახის კიბერ თაღლითობა, მათ შორის, სექსუალური შანტაჟი თითქმის ნორმად იქცა.
დახმარების ხელი
ჯენი ამასობაში აგრძელებს საგანმანათლებლო კამპანიას ჯორდანის მამასთან ერთად.
ის ამბობს, რომ მას დაუკავშირდნენ მშობლები სხვა ქვეყნებიდან - ავსტრალიიდან, დიდი ბრიტანეთიდან და აშშ-დან - მათაც ისე დაკარგეს შვილები, როგორც ჯენიმ.
”მე რეგულარულად ვიღებ შეტყობინებებს მშობლებისგან, რომლებიც მეკითხებიან, რა უნდა გააკეთონ ასეთ სიტუაციაში,” - ამბობს ჯენი. "თუმცა ხანდახან მათ, უბრალოდ, უნდათ მიამბონ ამბავი, რომელიც მათ შვილს შეემთხვა".
რჩევები, როგორ შეიძლება დაეხმარო ადამიანებს, რომლებიც გახდნენ სექსუალური შანტაჟის მსხვერპლი:
- არასოდეს დაივიწყო, რომ შენს პრობლემებთან მარტო არ ხარ და არ ხარ დამნაშავე იმაში, რაც შენს თავს ხდება.
- მიაწოდეთ პლატფორმის ადმინისტრაციას ინფორმაცია ამის შესახებ.
- დაბლოკეთ გამომძალველის კონტაქტი თქვენს ყველა პლატფორმაზე და მოწყობილობაზე
- მაგრამ უმჯობესია შეინახოთ თქვენი ანგარიშის სქრინშოტი ან მიმოწერა - ის შეიძლება შეიცავდეს გარკვეულ ინფორმაციას, რომელიც დაეხმარება პოლიციას შანტაჟისტის პოვნაში.
- ვიდრე ფულს გაუგზავნით გამომძალველს, ნუ შეგეშინდებათ დახმარებისთვის მიმართოთ ნებისმიერ ზრდასრულს, რომელსაც ენდობით ან თუნდაც პირდაპირ სამართალდამცავებს.
- არ გეგონოთ, რომ შანტაჟისტი დაკმაყოფილდება ერთჯერადი ანაზღაურებით: გამომძალველის მოთხოვნების დაკმაყოფილებით, მხოლოდ ჩაერთვებით დაუსრულებელ თამაშში, შანტაჟისტის წესების მიხედვით.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
