მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჯვრისწერა "ფაქტობრივად ნემსის წვერზე", ზღვის დონიდან 1500 მეტრზე: გაიცანით წყვილი, რომელთა ფოტოები ინტერნეტს იპყრობს - "ცხრაჯვარზე ნისლი დაგვხვდა, ჯაჭვებით ავედით"
18:53 / 05-06-2024
ორი დღეა სოციალურ ქსელი მოიცვა ცხრაჯვრის წმინდა გიორგის სახელობის სალოცავზე გადაღებულმა ფოტოებმა, სადაც ჩანს, რომ ზღვის დონიდან 1500 მეტრზე წყვილი ჯვარს იწერს.
- ნეფე-პატარძალი თიკო ყოჩიაშვილი და თორნიკე ლომთაძე არიან. ერთმანეთი 2010 წელს გაიცნეს და 9 წლის შემდეგ. იმერეთში, ნაქერალას უღელტეხილთან, ტყიბულის თავზე აზიდულ მთაზე ჯვარი დაიწერეს. თიკომ Ambebi.ge-სთან ინტერვიუში იმ დღის ყველაზე მნიშვნელოვანი მომენტები გაიხსენა.
არ იცის, რამდენიმე წლის შემდეგ მათი სურათები თავიდან ვინ გამოაქვეყნა სოციალურ ქსელში. როგორც გვიყვება, წლების წინაც, მათ ჯვრისწერას მედიის მხრიდან დაინტერესება მოჰყვა...
- თიკო, ორი დღეა სოციალურ ქსელში თქვენი ქორწილის ფოტოები ისევ თავიდან გაზიარდა და ყველას აინტერესებს, ვინ არის წყვილი, რომელმაც არც ისე მარტივი გზა გაიარა, რომ ჯვარი დაეწერა.
- მიხარია, რომ ამ საოცარი დღის ამსახველმა კადრებმა კიდევ ერთხელ გამოიწვია სოციალურ ქსელში აჟიოტაჟი. ქორწილი რამდენიმე წლის წინ გვქონდა, ივლისის თვეში. მაშინ, როდესაც წესით ძალიან კარგი ამინდი უნდა ყოფილიყო და ულამაზესი ხედები გადაშლილიყო ცხრაჯვრიდან. თუმცა, ფოტოებზეც ხედავთ, როგორი ნისლი დაგვხვდა. ჩვენ ქორწილის დღეს, ჯვრის დასაწერად თბილისიდან ჩავედით.
თავიდან ამინდმა ცოტა იმოქმედა განწყობაზე. ჩავთვალე, რომ ფოტო/ვიდეო მასალა არ მექნებოდა, ისეთი ნისლი იყო, დრონიც ვერ ავაფრინეთ. თუმცა, როგორც ხედავთ, ულამაზესი ფოტოები და ვიდეოები შემომრჩა. ამ კადრების ნახვის შემდეგ უფრო მეტად მადლიერი ვიყავი ბუნების, ასეთი მისტიური და საუცხოო გარემო რომ შეიქმნა. ამისთვის კი უდიდესი მადლობა - Gika Studio-ს, ვინც გვახლდა. ჩემი მეუღლე თორნიკე ლომთაძეა. წარმოშობით დასავლეთიდან არის. ისიც, როგორც მე, შეყვარებულია ცხრაჯვარზე. ამიტომ ეს გადაწყვეტილება, რა თქმა უნდა, ერთად მივიღეთ.
- იქამდე თუ იყავით ნამყოფები, მეჯვარეები როგორ დაითანხმეთ
- ქორწილამდე 1 წლით ადრე, შეყვარებულობის პერიოდში, პირველად ავედით ცხრაჯვრის მოსალოცად. ზუსტად მაშინ მივხვდი, რომ ეს ადგილი იქნებოდა შემდგომში ჩემი ჯვრისწერის ადგილი, რა თქმა უნდა, თუ ამის კურთხევას მივიღებდი სასულიერო პირისგან. არ ვიცოდი, რამდენად იყო ჯვრისწერა შესაძლებელი ამ ლოკაციაზე, რადგან ადგილზე მხოლოდ სალოცავი იდგა.
1 წლის თავზე ავისრულეთ ოცნება და ჯვარი ჩვენთვის სასურველ ადგილზე დავიწერეთ. რაც შეეხება მეჯვარეების დათანხმებას, საერთოდ არც კი განუხილავთ სხვა ვარიანტი, რა თქმა უნდა, ისინიც ჩვენ აზრზე იყვნენ და ეს დღე ყველამ ერთად დავგეგმეთ.
საბოლოოდ, უზომოდ კმაყოფილები ვიყავით ყველა. სხვათა შორის, არც ფოტო/ვიდეოგრაფის დათანხმება გაგვიჭირდა. მამაო ტყიბულიდან წავიყვანეთ, ზეპირად იცოდა გზა და ჩვენზე წინ მიდიოდა, მიუხედავად ასაკისა, საერთოდ არ გასჭირვებია ამ გზის გადალახვა.
- როგორც სოციალურ ქსელში წერდნენ, ახლა ტაძრამდე მისასვლელი გზა გაკეთებულია, რა საფრთხეები იყო თქვენი ქორწილი პერიოდში?
- კი, ახლა უკვე პატარა სამლოცველოც აშენდა, ჯებირებიც გაკეთდა და კიბეც. ქორწილის დროს მსგავსი არაფერი იყო, გარდა ჯაჭვებისა. არც სამანქანო გზა იყო დაგებული. როგორც გითხარით, ნისლიანი ამინდი იყო, ამიტომ შედარებით გაჭირდა ასვლა, თუმცა ყველა ძალიან შემართებით ვიყავით და საბოლოო ჯამში თითქოს უფალი დაგვეხმარა, რომ ყველაფერს იდეალურად ჩაევლო. დანიშნულების ადგილზე, ხალისიანად და შემართებით ავედით ჯაჭვების დახმარებით.
- რასაც ჰყვებით, ძალიან სახიფათო იყო იქ მისვლა.
- დიახ, და ყველა მკაცრად გვყავდა გაფრთხილებული, რომ ნასვამ მდგომარეობაში არ ყოფილიყვნენ. მითუმეტეს, როდესაც ნისლი დაგვხვდა, გზა უფრო გართულდა, თუმცა, ისეთი მიუვალი ადგილიც არ არის, რომ ჩაგვშლოდა ეს დღე. ჯაჭვებით გვიადვილდებოდა გადაადგილება. სალოცავი სივრცეც პატარაა, ფაქტობრივად, ნემსის წვერზე დავეტიეთ. უფლის წყალობით ყველაფერმა კარგად ჩაიარა.
- რა გრძნობაა, როდესაც იმ დღეს იხსენებთ?
- სიამაყის გრძნობა მიჩნდება. ბევრს ჰგონია, რომ ფოტო/ვიდეოს გამო ავედით, ბევრი თვლის, რომ გარისკვაა. მე ასე არ ვთვლი. ეს იყო ჩვენი დიდი სურვილი, რომელიც რეალობად ვაქციეთ. რა თქმა უნდა, ფოტო და ვიდეოც საჭიროა, რომ ეს ბედნიერი დღე მხოლოდ მეხსიერებას არ შემორჩეს. რატომაც არა, ორიგინალურობა მიყვარს და მგონი გამოვიდა კიდეც. უფლის დიდი მადლიერი ვარ, რომ მშვიდობით ჩაიარა ყველაფერმა და ამ მნიშვნელოვანი დღის ასეთი ლამაზად ჩატარების შანსი მომეცა.
- როგორ მოხვდა სოციალურ ქსელში რამდენიმე წლის შემდეგ თქვენი ქორწილის ფოტოები?
- დავიწყებ იმით, რომ წლების წინაც ჩვენმა ფოტოებმა აჟიოტაჟი გამოიწვია. უამრავ გვერდს ჰქონდა გაზიარებული. მწერდნენ უცხო ადამიანები, რომ რეკომენდაცია მიმეცა როგორ ჩაეტარებინათ ორიგინალურად ქორწილის დღე. ბევრს ცხრაჯვარზე ჯვრისწერის სურვილიც გაუჩნდა. მიხაროდა და ყველას ვეხმარებოდი, როგორც შემეძლო. ვუზიარებდი ჩემს გამოცდილებას. წლების შემდეგ, თუ ისევ გაიხსენებდა ხალხი ამ კადრებს, არ ველოდი. მაგრამ, ფაქტია, ვიღაცას გავახსენდი და ისევ მოედო სოციალურ ქსელს. თუმცა გასაკვირი არცაა, ორიგინალურობა ყოველთვის ხიბლავს ხალხს.
- ახლა როგორ ცხოვრობთ, რას საქმიანობთ?
- ალბათ ამ ქორწილის ფოტოების ნახვის შემდეგ, უამრავი ადამიანი ჩვენ წყვილს წარმოიდგენს სადღაც მთაში, ბუნებაში, რომ ასე ვაგრძელებთ ცხოვრებას. თუმცა, მთა და ბუნება ჩვენი გადატვირთული ცხოვრების რეჟიმის გამო, ფაქტობრივად, მონატრებულიც კი გვაქვს.
თბილისში ვცხოვრობთ, მეუღლეს თავისი ბიზნესი აქვს, მე ფინანსურ ანალიტიკოსად ვმუშაობ შპს "თეგეტა მოტორსში" და ასე ვაგრძელებთ ცხოვრებას. როგორც კი საშუალება მოგვეცემა, ისევ გავრბივართ ქალაქიდან და ბუნებაში ვატარებთ დროს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
