უკრაინის შეიარაღებული ძალების გენერალური შტაბის ცნობით, ქერჩის გადასასვლელი ATACMS-ის რაკეტებით დაბომბეს
უკრაინის შეიარაღებული ძალების გენერალური შტაბის განცხადებით, უკრაინელმა სამხედროებმა, ხუთშაბათს ღამით, ქერჩის საბორნე გადასასვლელი დაბომბეს.
- როგორც ანგარიშშია ნათქვამი, მნიშვნელოვანი ზიანი მიადგა ორ ბორანს, რომლებიც სარკინიგზო და საავტომობილო გადაზიდვებს ახორციელებდნენ. მოხსენებაში ასევე აღნიშნულია, რომ ობიექტი დაფარული იყო პანცირის, თორისა და ტრიუმფის საჰაერო თავდაცვის სისტემებით, მაგრამ ამერიკული წარმოების რაკეტებმა "წარმატებით გადალახეს რუსული ჯარების "უახლესი“ საზენიტო ფარი“.
გავრცელებული ინფორმაციით, თავდასხმა ამერიკული ATACMS რაკეტებით განხორციელდა. რუსეთის თავდაცვის სამინისტროს განცხადებით, აზოვის ზღვაზე რვა ამერიკული ATACMS ოპერატიულ-ტაქტიკური რაკეტა ჩამოაგდეს.
ბოლო ორი კვირის განმავლობაში რუსეთის მიერ ანექსირებულ ყირიმზე რამდენჯერმე განხორციელდა თავდასხმა ATACMS-ის რაკეტებით. 15 მაისს ნახევარკუნძულის ტერიტორიაზე ათი ATACMS რაკეტა ჩამოაგდეს. მოგვიანებით ცნობილი გახდა, რომ ბელბეკის სამხედრო აეროდრომს ორჯერ დაესხნენ თავს, რის შედეგადაც საწვავის საცავი განადგურდა. 24 მაისს სიმფეროპოლის რეგიონში სარაკეტო თავდასხმის დროს, ორი ადამიანი დაიღუპა.