ისლანდიაში ვულკანი კიდევ ერთხელ ამოიფრქვა - ევაკუირებულია ათასობით ადამიანი (ფოტოები)

სამხრეთ-დასავლეთ ისლანდიაში, რეიკიანესის ნახევარკუნძულზე ვულკანი ამოიფრქვა. ეს მოხდა მალევე მას შემდეგ, რაც ხელისუფლებამ ახლომდებარე ქალაქ გრინდავიკიდან მოსახლეობის ევაკუაცია მოახდინა. ვულკანის ბოლო ამოფრქვევა აქ 16 მარტს დაიწყო და სულ რაღაც 3 კვირის წინ დასრულდა, ახლა კი პროცესი კვლავ განახლდა.

"ვულკანის ამოფრქვევა გრინდავიკის ჩრდილოეთით დაიწყო",- ნათქვამია ისლანდიის მეტეოროლოგიური ოფისის განცხადებაში. მათივე ცნობით, ვულკანის ამოფრქვევას წინ უძღოდა ძლიერი მიწისძვრა.

ხალხის ევაკუაცია განხორციელდა ასევე ახლომდებარე გეოთერმულ სპა Blue Lagoon-დანაც, რომელიც ისლანდიის ყველაზე დიდი ტურისტული ღირსშესანიშნაობაა.

დეკემბრის შემდეგ ნახევარკუნძულზე უკვე მეხუთედ ამოიფრქვა ვულკანი.

2021 წლის მარტამდე რეიკიანესის ნახევარკუნძულზე 800 წლის განმავლობაში ერთხელაც არ ამოფრქვეულა ვულკანი. რის გამოც, ვულკანოლოგები თვლიან, რომ რეგიონში სეისმური აქტივობის ახალი ერა დაიწყო.

წყარო: theguardian

მოამზადა: ანა სიბოშვილმა