ამსტერდამის აეროპორტში ადამიანი თვითმფრინავის ძრავაში აღმოჩნდა და დაიღუპა - რას წერს მედია ტრაგიკულ შემთხვევაზე?
ამსტერდამის აეროპორტში ადამიანი მას შემდეგ დაიღუპა, რაც ის თვითმფრინავის ძრავაში აღმოჩნდა. შემთხვევა 29 მაისს მოხდა.
- "მოხდა საშინელი ინციდენტი, ადამიანი თვითმფრინავის ძრავაში აღმოჩნდა“, - ნათქვამია აეროპორტის ოფიციალურ განცხადებაში. გარდაცვლილი ჯერჯერობით იდენტიფიცირებული არ არის, ასევე უცნობია, ეს იყო უბედური შემთხვევა, თუ თვითმკვლელობის ფორმა.
ნიდერლანდების სხვადასხვა მედიასაშუალებები წერენ, რომ მსხვერპლი შესაძლოა, აეროპორტის თანამშრომელი იყოს.
არსებული ინფორმაციით, თვითმფრინავი ამსტერდამიდან ევროპის სხვა ახლომდებარე ქალაქებში მოკლე რეისებს ასრულებდა. Schiphol-ის აეროპორტში აცხადებენ, რომ ზრუნავენ მგზავრებზე, რომლებიც ამ შემზარავ შემთხვევას შეესწრნენ.
Schiphol ევროპაში ერთ-ერთი ყველაზე დატვირთული აეროპორტია. სხვათა შორის, გასულ კვირას ის მედიის ყურადღების ცენტრში იმიტომ მოექცა, რომ რეპერი ნიკი მინაჟი დააკავეს.