ვრცელდება ჯოზეფ ბორელის განცხადება საქართველოს შესახებ - "ევროკავშირი და წევრი ქვეყნები ყველა ვარიანტს განიხილავენ..."
ევროკავშირი ღრმა მწუხარებას გამოთქვამს, რომ საქართველოს პარლამენტმა გადაწყვიტა უცხოური გავლენის გამჭვირვალობის შესახებ კანონზე პრეზიდენტის ვეტო დაეძლია, - ამის შესახებ ევროკავშირის უმაღლესი წარმომადგენელი ჟოზეფ ბორელი განცხადებაში წერს.
"ევროკავშირი ღრმა მწუხარებას გამოთქვამს, რომ საქართველოს პარლამენტმა გადაწყვიტა უცხოური გავლენის გამჭვირვალობის შესახებ კანონზე პრეზიდენტის ვეტო დაეძლია და უგულებელეყო ვენეციის კომისიის დეტალური იურიდიული არგუმენტები, რომლებმაც ამ კანონის გაწვევის ნათელ რეკომენდაციამდე მიიყვანა.
ევროკავშირმა არაერთხელ აღნიშნა, რომ საქართველოს პარლამენტის მიერ მიღებული კანონი ევროკავშირის ძირითად პრინციპებსა და ღირებულებებს ეწინააღმდეგება. მისი ამოქმედება ცხრა ნაბიჯიდან მინიმუმ სამზე იწვევს უკუსვლას (დეზინფორმაციის შესახებ; პოლარიზაციის შესახებ; ფუნდამენტური უფლებებისა და სამოქალაქო საზოგადოების ორგანიზაციების ჩართულობის შესახებ), რომლებიც კანდიდატის სტატუსისთვის ევროკომისიის რეკომენდაციაში არის აღნიშნული, რომელსაც ევროკავშირის ლიდერებმა დაუჭირეს მხარი და უარყოფითად იმოქმედებს საქართველოს ევროკავშირისკენ გზაზე" - წერს ევროკავშირის უმაღლესი წარმომადგენელი ჟოზეფ ბორელი.
ბორელი მოუწოდებს, საქართველოს ოფიციალურ პირებს, შეაბრუნონ ტრენდი და მყარად დაბრუნდნენ ევროკავშირისკენ გზაზე.
"უცხოური გავლენის გამჭვირვალობის შესახებ კანონის მიღმა, ამ მომენტისთვის არასაკმარისი პოლიტიკური ყურადღება მობილიზებულ იქნა ცხრა ნაბიჯზე მნიშვნელოვანი პროგრესისთვის.
საქართველოს ოფიციალურ პირებს მოვუწოდებთ შეაბრუნონ ეს ტრენდი და მყარად დაბრუნდნენ ევროკავშირისკენ გზაზე. ჯერ კიდევ არის დრო დინამიკის შესაცვლელად - მაგრამ მმართველი ოფიციალური პირების მხრიდან ძლიერი ერთგულებაა საჭირო.
ევროკავშირი და წევრი ქვეყნები ამ მოვლენებზე რეაგირებისთვის ყველა ვარიანტს განიხილავენ", - აცხადებს ბორელი და დასძენს:
"ვაგრძელებთ ქართველი ხალხის გვერდში დგომას და საკუთარი ქვეყნისთვის ევროპული მომავლის მათი სრული უმრავლესობის არჩევანს ვაღიარებთ".
წაიკითხეთ ასევე: