"იმედგაცრუება" - ფოტოგრაფ გოგა ჩანადირის ფოტოები, რომელიც კანონის მიღების შემდეგ არის გადაღებული: რა ხდებოდა პარლამენტთან

"იმედგაცრუება" - ასათაურებს ფოტოგრაფი გოგა ჩანადირი პარლამენტთან გადაღებულ ფოტოებს. კადრებზე აქტივისტების სახეებია აღბეჭდილი მას შემდეგ, რაც პარლამენტმა "უცხოური გავლენის გამჭვირვალობის შესახებ" კანონი მიიღო.

ამ დროისთვის საკანონმდებლო ორგანოს მიმდებარე ტერიტორიაზე სამართალდამცავთა უპრეცედენტო რაოდენობაა მობილიზებული, ადგილზე განლაგებულია სპეცრაზმი.

მას შემდეგ, რაც პოლიციელებმა ჩიტაძის ქუჩა აქციის მონაწილეებისგან სრულად გაათავისუფლეს, “ქართული ოცნების” დეპუტატებმა პარლამენტის შენობიდან გასვლა დაიწყეს. აქცია საკანონმდებლო ორგანოს წინა მხარეს მიმდინარეობს.

ცნობისთვის, პარლამენტმა “უცხოური გავლენის გამჭვირვალობის შესახებ“ კანონპროექტზე პრეზიდენტის ვეტო დაძლია. ფრაქცია “ქართული ოცნების“ მიერ წარდგენილ და სალომე ზურაბიშვილის მიერ ვეტოდადებულ პროექტს 84- ხმით დაუჭირეს მხარი.

წაიკითხეთ ასევე:

• "სამწუხარო დღე საქართველოსთვის, არ დანებდეთ, არჩევნები მალეა" - როგორ ეხმაურებიან ევროპელი პოლიტიკოსები კანონის მიღებას
• რას წერს მამუკა მდინარაძე კანონის მიღების შემდეგ - "ალბათ წლების წინ ვერავინ წარმოიდგენდა, რომ..."