"ძალიან სამწუხარო დღე საქართველოსთვის და ევროპისთვის" - გაბრიელიუს ლანდსბერგისი კანონის მიღებაზე

ძალიან სამწუხარო დღე საქართველოსთვის და ევროპისთვის - ამ კანონის მიღება ფაქტობრივად აჩერებს საქართველოს ევროკავშირში გაწევრიანებას , - ამის შესახებ ლიეტუვის საგარეო საქმეთა მინისტრი გაბრიელიუს ლანდსბერგისი სოციალურ ქსელში წერს.

"ძალიან სამწუხარო დღე საქართველოსთვის და დანარჩენი ევროპისთვის. ამ კანონის მიღება ფაქტობრივად აჩერებს საქართველოს ევროკავშირში გაწევრიანებას ისე, რომ არავინ არ იღებს სარგებელს. თითქმის არავინ", - წერს ლანდსბერგისი.

პარლამენტმა “უცხოური გავლენის გამჭვირვალობის შესახებ“ კანონპროექტზე პრეზიდენტის ვეტო დაძლია. ფრაქცია “ქართული ოცნების“ მიერ წარდგენილ და სალომე ზურაბიშვილის მიერ ვეტოდადებულ პროექტს 84- ხმით დაუჭირეს მხარი.

წაიკითხეთ ასევე:

• "უცხოური გავლენის გამჭვირვალობის შესახებ" კანონი მიღებულია - პარლამენტმა პრეზიდენტის ვეტო დაძლია