ეროვნულმა ბანკმა ლარის გაუფასურების შესაჩერებლად სავალუტო აუქციონზე 48.7 მილიონი დოლარი გაყიდა
სებ-მა ლარის გაუფასურების შესაჩერებლად სავალუტო აუქციონზე გასაყიდად 60 მილიონი აშშ დოლარი გამოიტანა.
ამის შესახებ ინფორმაციას სებ-ი ავრცელებს. მათივე ცნობით, 60 მილიონიდან სავალუტო აუქციონზე გაიყიდა 48 700 000 დოლარი.
საშუალო შეწონილმა გაცვლითმა კურსმა 2.7829 შეადგინა.
შეგახსენებთ, დილიდან ეროვნული ვალუტის გაუფასურება დაიწყო.
Bloomberg-ზე 11:24 საათისთვის ერთი დოლარი 2.8125 ლარად ივაჭრებოდა.