მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა თქვა დაუშვილმა ისეთი, რასაც ხელისუფლების წარმომადგენელი დეპუტატების აღშფოთება მოჰყვა? - "ბოდიში მოიხადეთ"
12:13 / 27-05-2024
პარლამენტის იურიდიულ საკითხთა კომიტეტში "უცხოური გავლენის გამჭვირვალობის შესახებ“ კანონპროექტზე პრეზიდენტის მოტივირებული შენიშვნებისა და მის მიერ წარდგენილი კანონპროექტის განხილვაზე განსაკუთრებული ვნებათაღელვა მოჰყვა ექსპრემიერ გიორგი გახარიას პარტიის "საქართველოსთვის" მიხეილ დაუშვილის განცხადებას.
- რა თქვა დაუშვილმა?
მან პრეზიდენტის საპარლამენტო მდივანს, გიორგი მსხილაძეს მიმართა კითხვით:
"ამ კანონით და იმ ქმედებებით, რასაც "ოცნება“ ახორციელებს, ექმნება თუ არა საფრთხე ოკუპირებული ტერიტორიების არაღიარების პოლიტიკას?"
ამ კითხვას კომიტეტის თავმჯდომარის, ანრი ოხანაშვილის მხრიდან მწვავე განცხადება მოჰყვა.
პარალელურად, დარბაზში მიხეილ დაუშვილის მისამართით ისმოდა რეპლიკები: "მავნებელი ადამიანი“, "ქვეყნის მტერია“, "ამას რა უნდა ელაპარაკოთ, დეგენერატი ეს“.
"მიხეილ დაუშვილმა უმძიმესი განცხადება გააკეთა - ანუ, სავაჭრო საგანია ტერიტორიული მთლიანობა? ყველას გადაეცით, რომ ჩვენ ამას არ გავატარებთ და ამაზე გვექნება ძალიან მძიმე რეაქცია", - ამის შესახებ იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა, რითაც დაუშვილის კითხვას კიდევ ერთხელ გამოეხმაურა.
მისი თქმით, მიხეილ დაუშვილმა აღნიშნული განცხადება განზრახ გააკეთა.
"ამ ადამიანმა იკადრა შემდეგი რაღაც, რომ თურმე, ჩვენმა პარტნიორებმა რომ აღიარეს ჩვენი ტერიტორიული მთლიანობისადმი მხარდაჭერა, ეს შეიძლება გადაიხედოს იმის გამო, რომ ვინმე გიგაური, ვინმე ლომჯარია და ვინმე ნაზიბროლა ჯანეზაშვილი გამჭვირვალედ მუშაობდნენ ამ კანონის შესაბამისად. ამის გამო, რომ მათ საქმიანობას გამჭვირვალობა არ შეეხოს, ამის გამო შეიძლება გადაიხედოს ჩვენი ტერიტორიული მთლიანობისადმი მხარდაჭერაო. ეს რა განცხადებაა, თქვენ წარმოგიდგენიათ საერთოდ? ანუ, რას გვეუბნებით თქვენ, რომ ტერიტორიულ მთლიანისადმი მხარდაჭერა დამოკიდებულია კონკრეტულ გამჭვირვალობის საკითხზე ამ ორგანიზაციების?
ეს უმძიმესი განცხადება, რაც თქვენ გააკეთეთ, მე ვფიქრობ, რომ განზრახ, იმიტომ რომ შემდგომი იგივე გაიმეორეთ. თუ გნებავთ, რომ ბოდიში მოუხადოთ ჩვენს ხალხს, რომ ისეთი რამ იკადრეთ, რომელიც არ უნდა გაგეკეთებინათ, ჩვენი ქვეყნის ტერიტორიული მთლიანობის საკითხი დააყენეთ კითხვის ნიშნის ქვეშ. დაუშვით, რომ ერთი კანონის გამო თურმე შეიძლება გადახედონ ტერიტორიული მთლიანობისადმი მხარდაჭერას. ანუ სავაჭრო საგანია ტერიტორიული მთლიანობა? თუ გნებავთ ამაზე ბოდიში მოხდა, მე მოგცემთ სიტყვას“, - განაცხადა ოხანაშვილმა.
მიკროფონის ჩართვის შემდეგ, მიხეილ დაუშვილმა კი განაცხადა:
"მე არავისთან ბოდიში მოსახდელი არ მაქვს“, რის გამოც, კომიტეტის თავმჯდომარემ მას მიკროფონი სიევ გაუთიშა.
"ბოდიში თუ არ გაქვთ მოსახდელი გასაგებია. ძალიან მძიმეა ვუსმინო ადამიანს, რომელმაც რამდენიმე წუთის წინ თქვა, რომ ტერიტორიული მთლიანობისადმი მხარდაჭერის საკითხი შეიძლება გადაიხედოს. ეს არის თქვენი პირით გაჟღერებული საკითხი, რომელიც არის შანტაჟი ქვეყნის სუვერენიტეტთან დაკავშირებით. ეს არის უმძიმესი განცხადება და ყველას გადაეცით, რომ ჩვენ ამას არ გავატარებთ და ამაზე გვექნება ძალიან მძიმე რეაქცია,“ - მიმართა ოხანაშვილმა დაუშვილს.
ამის შემდეგ, ოპოზიციონერმა დეპუტატმა თავისი კითხვა განმარტა და აღნიშნა, რომ ეს ეროვნული უსაფრთხოების საკითხია და დეპუტატებს მიმართა კითხვით: "როგორ შეიძლება ეროვნული უსაფრთხოების საკითხზე კითხვის დასმაზე ასეთი რეაქცია გქონდეთ?“
მისი თქმით, "კარგ მთქმელს კარგი გამგონე უნდა“.
"მე არ მინდა, რომ ჩვენს მიერ დასმულ კითხვასთან დაკავშირებით რაიმე თუნდაც მცირედი ინტერპრეტაცია დარჩეს. რა თქმა უნდა, ქვეყნის ტერიტორიული მთლიანობა დამოუკიდებლობასთან და სუვერენიტეტთან ერთად არის ყველაზე მნიშვნელოვანი საკითხი. ამიტომ, რა თქმა უნდა, ჩვენ ამ ნაწილში არც ერთი წუთი და არც ერთი წამით კითხვას არ ვსვამთ. ჩვენი კითხვა ეხებოდა შემდეგს - იმ შემთხვევაში, თუ ქვეყანა მოექცა საერთაშორისო იზოლაციაში ეს საფრთხეს უქმნის თუ არა ქვეყნის ტერიტორიული მთლიანობას და არაღიარების პოლიტიკა. მე რაზეც გესაუბრებით, ეს არის ეროვნული უსაფრთხოების საკითხი და როგორ შეიძლება ეროვნული უსაფრთხოების საკითხზე კითხვის დასმაზე ასეთი რეაქცია გქონდეთ? კარგ მთქმელს კარგი გამგონე უნდაო, ხალხო", - განაცხადა დაუშვილმა.
იხილეთ ასევე:
- "ნაცი“, ჩახდილი "გირჩი“, გვარამია და დანარჩენი უსამშობლოები, არის ერთი გაერთიანება- მადლობა მადამ პრეზიდენტს ინიციატივისთვის" - ზარქუა
- "მოღალატე მოიკითხეთ, გყავთ ბელადი და შემდგომი თქვენს ბიოგრაფიებს ჩახედეთ" - ოხანაშვილმა ანა წითლიძე სხდომათა დარბაზიდან გააძევა
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
