სარდალაშვილის ოქროს შემდეგ, მარგველაშვილმა ბრინჯაო მოიპოვა - დღეს კი მსოფლიო ჩემპიონატის ტატამიზე ტატო გრიგალაშვილი გავა
აბუ-დაბიში მიმდინარე მსოფლიო ჩემპიონატის მეორე საშეჯიბრო დღეს, 20 მაისს, საქართველოს სახელით ტატამზე ოთხი ძიუდოისტი წარდგა. მათგან ერთადერთი მედალი ვაჟა მარგველაშვილმა (66 კგ) მოიპოვა. გამოცდილმა ძიუდოისტმა ბრინჯაოს მედლისთვის ბრძოლაში იტალიელ მატეო პირასს სძლია.
რაც შეეხება ტურნირზე გამომსვლელ სამ ქართველს - ვაჟა ტერაშვილი, ლაშა შავდათუაშვილი (ორივე - 73 კგ) და ნინო ლოლაძე (57 კგ) შეჯიბრებას ნაადრევად გამოეთიშნენ.
21 მაისს ტატამზე საქართველოს ნაკრების კიდევ სამი სპორტსმენი წარდგება. ქალთა შორის - 63 წონით კატეგორიაში იასპარეზებს ეთერ ასკილაშვილი, ხოლო ვაჟთა - 81 წონით კატეგორიაში ტატო გრიგალაშვილი და დიმიტრი გოჩილაიძე დაიცავენ ქვეყნის ღირსებას.
შეგახსენებთ, მიმდინარე მსოფლიო ჩემპიონატზე საქართველოს ნაკრებსა ჯერჯერობით ერთი ოქროს და ერთი ბრინჯაოს მედალი აქვს. მსოფლიო ჩემპიონი გახდა 20 წლის ძიუდოისტი გიორგი სარდალაშვილი, რომელიც - 60 კგ წონით კატეგორიაში ასპარეზობს.