წარმატებული ესპანური გასტროლის შემდეგ ახმეტელის თეატრი თბილისურ პრემიერას წარმოადგენს
„ვიღაც სხვა“ - მონოსპექტაკლის პრემიერა ახმეტელის თეატრში 23, 25 მაისს გაიმართება. სპექტაკლი 26 აპრილს ესპანელმა მაყურებელმა ქალაქ სანტანდერში, მონოსპექტაკლების საერთაშორისო ფესტივალზე ნახა, 2 მაისს კი მადრიდში, დამოუკიდებელ სახელოვნებო სივრცეში წარმოადგინეს.
პიესის ავტორი ანჟელინა როშკაა, რეჟისორი გიორგი ყაულაშვილი, დადგმის ხელმძღვანელი კი ახმეტელის თეატრის სამხატვრო ხელმძღვანელი - ირაკლი გოგია, მონოსპექტაკლში ახმეტელის თეატრის ახალგაზრდა მსახიობი - ჯორჯი დვალიშვილი მონაწილეობს.
სპექტალის შესახებ: დაფუძნებულია რეალურ ამბავზე
ეს არის ამბავი ოჯახურ სითბოს მოკლებული ფრედერიკ პიერ ბურდინის შესახებ, სხვადასხვა ასაკისა და ეროვნების ადამიანებად გარდაქმნის წარმოუდგენელი უნარის გამო, ფრედერიკ პიერ ბურდინს მეტსახელად "ნანტის ქამელეონი" შეარქვეს. ათი წლის განმავლობაში მას მრავალი განსხვავებული ნიღაბი ჰქონდა მორგებული, ცხოვრობდა თხუთმეტზე მეტ ქვეყანაში და საუბრობდა ხუთ ენაზე.
1994 წლის 13 ივნისს სან ანტონიოში 13 წლის ნიკოლას ბარკლი გაუჩინარდა, 23 წლის პიერ ბურდენს არ გაჭირვებია პოლიციის და რაც მთავარია დაკარგული მოზარდის ოჯახის დარწმუნება, მან ნიკოლასის როლი მოირგო. თუმცა, მთავარ მიზანს ვერ მიაღწია. ნიკოლასის დედა ერიდებოდა და უცნაურად იქცეოდა. ფრედერიკ პიერ ბურდენი ოჯახურ გამძიებას აწარმოებს - ვინ არის იგი? ვიღაც სხვა..ნიღაბს მიღმა
R