10 მსოფლიო ლიდერი, რომლებიც ავიაკატასტროფაში დაიღუპნენ
ირანმა დაადასტურა, რომ ქვეყნის პრეზიდენტი ებრაჰიმ რაისი და საგარეო საქმეთა მინისტრი ჰოსეინ ამირ-აბდოლაჰიანი ვერტმფრენის ჩამოვარდნისას დაიღუპნენ. ტრაგედია 19 მაისს დატრიალდა. ვერტმფრენი, რომელშიც ირანის პრეზიდენტი, საგარეო საქმეთა მინისტრი და კიდევ 7 პირი იმყოფებოდნენ, ჩამოვარდა ირანის ჩრდილო-დასავლეთში, მთიან რაიონში, აზერბაიჯანთან საზღვრის მახლობლად. დელეგაცია ბრუნდებოდა აღმოსავლეთ აზერბაიჯანის პროვინციიდან - ირანის რეგიონიდან, რომელიც აზერბაიჯანს ესაზღვრება. ირანის პრეზიდენტი რაისი აზერბაიჯანის პრეზიდენტ ალიევთან ერთად მონაწილეობდა ახალი კაშხლის გახსნის ცერემონიაში. ვერტმფრენში მყოფი ყველა პირი დაიღუპა. ირანული მედიის ცნობით, პრეზიდენტთან და საგარეო საქმეთა მინისტრთან ერთად იყვნენ: პროვინცია აღმოსავლეთ აზერბაიჯანის გუბერნატორი, ქალაქ თავრიზის იმამი, პრეზიდენტის დაცვის უფროსი და დაცვის სამსახურის თანამშრომელი. ეკიპაჟის შემადგენლობაში იყვნენ ორი პილოტი და ტექნიკოსი.
ირანის ხელისუფლებამ ვერტმფრენის კატასტროფის მიზეზად უამინდობა დაასახელა. ძლიერი ნისლის გამო გართულებული იყო სამძებრო-სამაშველო ოპერაციაც. მაშველებმა ვერტმფრენის კატასტროფის რაიონამდე დღეს, 20 მაისს მიაღწიეს.
ავიაკატასტროფა, რომელშიც მსოფლიო ლიდერები მონაწილეობენ, მუდმივად ხდება სპეკულაციების თემა, მიუხედავად იმისა, რომ ასეთ ტრაგედიებს ყოველთვის მოჰყვება ხოლმე ინტენსიური გამოძიება. ლიდერების დაღუპვა ავიაკატასტროფებში არის გადამწყვეტი მომენტები ამა თუ იმ ქვეყნის ისტორიაში, არყევს პოლიტიკას და ქვეყნებს გაურკვევლობაში ტოვებს. ეს ტრაგედიები არა მხოლოდ ართმევს ქვეყნებს გავლენიან ფიგურებს, არამედ ქმნის ძალაუფლების ვაკუუმებს და აჩენს კითხვებს მომავლის შესახებ. როგორც კი გამოძიება ვითარდება, სპეკულაციები ძლიერდება და მოვლენები ხშირად იფარება შეთქმულების თეორიებით.
- წარმოგიდგენთ 10 მსოფლიო ლიდერის ჩამონათვალს, რომლებიც ავიაკატასტროფაში დაიღუპნენ:
1. ებრაჰიმ რაისი (1960-2024): როგორც უკვე ვთქვით, ოფიციალურად დადასტურდა პრეზიდენტი რაისისა და საგარეო საქმეთა მინისტრ ამირ-აბდოლაჰიანის ავიაკატასტროფაში დაღუპვა.
2. გენერალი ზია-ულ-ჰაკი (1924-1988): პაკისტანის მეექვსე პრეზიდენტი დაიღუპა ავიაკატასტროფაში ბაჰავალპურთან, პაკისტანში. ავიაკატასტროფის მიზეზი კვლავ საკამათოა, განიხილება მექანიკური გაუმართაობის, დივერსიისა და შეთქმულების თეორიების სხვა ვერსიები.
3. ლეხ კაჩინსკი (1949-2010): პოლონეთის პრეზიდენტი მეუღლესთან და სხვა მაღალჩინოსნებთან ერთად, დაიღუპა ავიაკატასტროფაში სმოლენსკთან, ტუ-154–ის მიწაზე ძლიერი დაცემის შედეგად თვითმფრინავს კუდის ნაწილი მოტყდა, რის შემდეგაც ხანძარი გაჩნდა.
პოლონური მედიის ცნობით, პრეზიდენტ კაჩინსკის თვითმფრინავი სამჯერ შეეცადა სმოლენსკის აეროპორტში დაჯდომას, მეოთხე მცდელობა კი ტრაგედიით დასრულდა. თვითმფრინავის ბორტზე, რომელიც ასრულებდა რეისს ვარშავიდან სმოლენსკში, იმყოფებოდა 96 ადამიანი, აქედან ოფიციალური დელეგაციის 88 წევრი. ავარია მაშინ მოხდა, როცა დელეგაცია კატინის ხოცვა-ჟლეტის აღსანიშნავად მიდიოდა.
4. რამონ მაგსაისაი (1907-1957): ფილიპინების მეშვიდე პრეზიდენტი დაიღუპა ავიაკატასტროფაში მანუნგალის მთაზე, კებუში.
მაგსაისი ცნობილი იყო თავისი ძლიერი ანტიკომუნისტური პოლიტიკითა და დემოკრატიისადმი თავდადებით. მის სახელს ატარებს პრემია, რომელიც ითვლება ნობელის პრემიის აზიურ ვარიანტად.
5. ჟიუვენალ ჰაბიარიმანა (1937-1994): რუანდის პრეზიდენტი და მთავრობის მეთაური 1973 წლიდან სიკვდილის ბოლომდე. თავდაცვის მინისტრი 1965 წლიდან, განვითარებისათვის ეროვნული-რევოლუციური მოძრაობის პარტიის თავმჯდომარე 1975 წლიდან. მისი თვითმფრინავი ჩამოაგდეს, როდესაც ის დაშვებას აპირებდა კიგალიში.
ამ ტრაგედიას ხშირად რუანდის გენოციდის გამომწვევად მოიხსნიებენ.
6. სამორა მაჩელი (1933-1986): მოზამბიკის პრეზიდენტი დაიღუპა ავიაკატასტროფაში მოზამბიკისა და სამხრეთ აფრიკის საზღვართან. კატასტროფის მიზეზი დღემდე სადავოა. ქვეყანაში დაამყარა სოციალისტური რეჟიმი.
გააღრმავა ურთიერთობა კომუნისტურ ქვეყნებთან. მისი მეუღლე გრასა მაშელი ცოლად გაჰყვა სამხრეთ აფრიკის პირველ შავკანიან პრეზიდენტს ნელსონ მანდელას.
7. ბინგუ ვა მუთარიკა (1934-2012): მალავის პრეზიდენტი გარდაიცვალა გულის შეტევით მას შემდეგ, რაც მისი საპრეზიდენტო ვერტმფრენი უამინდობაში მოხვდა.
8. ჰაფეზ ალ-ასადი (1930-2000): სირიის პრეზიდენტი დამასკოსთან ავიაკატასტროფაში დაიღუპა. ავარია იდუმალ გარემოებებში მოხდა, ოფიციალური მიზეზი მიეწერება თვითმფრინავის პილოტის გულის შეტევას, თუმცა დღემდე ბევრი მიიჩნევს, რომ ტრაგედია გარე ჩარევის მიზეზით დატრიალდა.
9. ლეონ მბა (1902–1967): გაბონის პირველი პრეზიდენტი დაიღუპა ავიაკატასტროფაში გაბონის სანაპიროსთან.
10. იბრაჰიმ ნასირი (1926-2008): მალდივის მეორე პრეზიდენტი ვერტმფრენის ჩამოვარდნისას დაიღუპა მალდივის ერთ-ერთ კუნძულზე კერძო ვიზიტის დროს. წყარო
იხილეთ ასევე: