"ჩემი შვილის მკვლელი თავისუფლად დასეირნობს, შვილის საფლავთან ვდგავარ და მრცხვენია სურათს თვალებში შევხედო" - გიგა ოთხოზორიას დედა
„ამ წამისთვის მაინც ღირდა ჩემი სიცოცხლე“, - მერაბ სეფაშვილი საქართველოს ნაკრების შესახებ საუბრობს
„26 მარტს, ყველაზე მნიშვნელოვანი, ჩემთვის, ალბათ იყო ის, რომ ალბათ მთელი ქალაქი, მთელი ქვეყანა, მღეროდა ამ სიმღერას („ზღაპრის ბოლო კეთილია“). მე ჩემი შვილები, 15 წლის შვილიშვილი, მოვდივართ რესპუბლიკის მოედანზე, უყურებს ამ ყველაფერს და ჩემს მიერ შესრულებულ სიმღერას, ციდან ისმოდა ისეთი ხმამაღალი იყო ეს სიმღერა, და მე მაგ დროს დავფიქრდი, და ვფიქრობ, რომ აი ამ წამისთვის მაინც ღირდა სიცოცხლე, რომ ჩემი შვილიშვილი ამას განიცდის და ამაყია შენით“, - ამის შესახებ მომღერალმა მერაბ სეფაშვილმა TST სპორტთან ინტერვიუში ისაუბრა
„26 მარტს ყველა ვიყავით დამუხტული იმით, რომ გვჭირდებოდა გამარჯვება, ეს არ იყო უბრალო გამარჯვება, ეს არ იყო უბრალოდ თამაში, ეს იყო დიდი ბრძოლა, რაღაც სხვა ამბისთვის, რომელიც ძალიან გვჭირდება მთელ ქვეყანას და თითოეულ ადამიანს და ეს გამართლდა. მე მინდა კიდევ ერთხელ დიდი მადლობა ვუთხრა იმ ბიჭებს, მწვრთნელებს და ყველას, ვინც დიდი მონაწილეობა მიიღო ამ გამარჯვებაში. და ასევე აუცილებლად დიდი მადლობა გულშემატკივრებს. ის ემოციები დღემდე არ გამქრალა ჩემში, ძაან ამაღლებული გრძნობაა, ძაან დიდი სიხარულია, ყველასთვის დიდისთვის პატარასთვის. და გვჭირდება კიდევ.
1981 წელის 13 მაისსაც და 2024 წლის 26 მარტსაც თანაბრად გაგვიხარდა გამარჯვება. ეს არის ჩვენი ეროვნული გამარჯვება, იმიტომ რომ ფეხბურთი ძალიან აერთიანებს საზოგადოებას, ძალიან აერთიანებს ხალხს და ეს არის ჩვენი ქართული სპორტი, რომელიც ყველას ძალიან გვიყვარს, ალბათ ნომერ პირველი სპორტია, ჩემი აზრით. რაც შეეხება ამ ორი გამარჯვების შედარება, ვფიქრობ, არ იქნება სწორი, რომ შევადაროთ. მე მახსოვს და განცდილი მაქვს ორივე. ის გამარჯვება და ეს გამარჯვება, ჩემი აზრით, ალბათ, ტოლია, ნუ რეალურად რომ ავიღოთ ცოტა მეტი ეს არის, რადგან სხვაგან გავედით და დიდი გამარჯვებების შანსი მოგვეცა“, - ამის შესახებ მერაბ სეფაშვილმა TST სპორტთან ისაუბრა.