მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"იატაკზე მწოლიარე ქალს გამეტებით ურტყამს" - ვრცელდება შონ "დიდი" კომბსის მიერ შეყვარებულზე ძალადობის კადრები, რომლის დამალვისთვის რეპერმა 50,000 გადაიხადა
17:14 / 18-05-2024
ცოტა ხნის წინ, ინტერნეტში გავრცელდა სათვალთვალო კამერის ჩანაწერი, სადაც გარკვევით ჩანს თუ როგორ უსწორდება ფიზიკურად შონ "დიდი" კომბსი თავის ყოფილ შეყვარებულს, კასანდრა ვენტურას. შემთხვევა 2016 წელს, ერთ-ერთი სასტუმროს დერეფანში მოხდა. ვიდეოზე ვხედავთ, როგორც ურტყამს კომბსი იატაკზე გაუნძრევლად მწოლიარე ქალს. ძალადობის ამსახველი კადრები CNN-მა გაასაჯაროვა.
გავრცელებული ინფორმაციით, კომბსმა სასტუმროს კადრების დამალვისთვის $50,000 გადაუხადა. მომხდართან დაკავშირებით კომბსის წარმომადგენლებს კომენტარი არ გაუკეთებიათ.
შონ კომბსის მიმართ საზოგადოების ინტერესი 2024 წლის მარტში გაიზარდა, მას შემდე, რაც რეპერისა და პროდიუსერის სახლი სამართალდამცავებმა გაჩხრიკეს. გამომძიებლებმა სახლიდან ამოიღეს დოკუმენტები, ტელეფონები, კომპიუტერები - ყველაფერი, რაც დანაშაულის შესახებ მონაცემებს ინახავდა.
შემთხვევამდე ოთხი თვით ადრე, იგი ყოფილმა შეყვარებულმა სექსუალურ ტრეფიკინგში დაადანაშაულა.
- კომბსის ბრალდებების სრული სია
მუსიკოსის წინააღმდეგ სექსუალური ძალადობის ბრალდებების სერია ჯერ კიდევ 1990-იან წლებში დაიწყო.
2023 წლის 16 ნოემბერს პროდიუსერს კასანდრა ვენტურამ უჩივლა, რომელიც ამტკიცებდა, რომ კომბსმა იგი 2018 წელს გააუპატიურა და მას შემდეგ, რამდენიმე წლის განმავლობაში, მისი მხრიდან სექსუალური და ფსიქოლოგიური ძალადობის მსხვერპლი იყო.
მოგვიანებით, ნოემბერში, ქალი, სახელად ჯოი დიკერსონ-ნილი, სასამართლოში ამტკიცებდა, რომ კომბსმა ის ნარკოტიკებით გააბრუა, შემდეგ სექსუალურად იძალადა და ყველაფერი ფარულად გადაიღო. დანაშაული 1991 წელს მოხდა.
კიდევ ერთმა დაზარალებულმა, რომელიც დანაშაულის ჩადენის დროს 17 წლის იყო, კომბსი ჯგუფურ გაუპატიურებაში დაადანაშაულა.
კომბსის შესახებ არაერთ ცნობილ ადამიანს უსაუბრია, მათ შორის არიან ჯასტინ ბიბერი და აშერი.
2012 წელს ოპრა უინფრისთვის მიცემულ ინტერვიუში, აშერმა აღიარა, რომ კომბსი მას ნარკოტიკების მოხმარებას აიძულებდა და სექსუალურ წვეულებებზე ეპატიჟებოდა მაშინ, როცა ის ჯერ კიდევ მოზარდი იყო. აშერმა ასევე აღიარა, რომ კომბსი არ იყო მისთვის მისაბაძი მაგალითი და რომ საკუთარი იდენტობის საპოვნელად მისგან დისტანცირება მოუწია.
ჯასტინ ბიბერი კომბსს 15 წლის ასაკაში შეხვდა. 2023 წელს ინტერნეტში გამოჩნდა ვიდეო, სათაურით: „ჯასტინ ბიბერის დედა ლაპარაკობს", რომელშიც ქალი ამტკიცებდა, რომ კომბსი წვეულებებზე ბიბერს კოკაინს და მარიხუანას სთავაზობდა და შამპანურის დალევას აიძულებდა. წყარო
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
