მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ნილოსის გაუჩინარებული შენაკადის აღმოჩენა ბევრ საიდუმლოს ხდის ფარდას" - როგორ შენდებოდა უზარმაზარი პირამიდები ეგვიპტეში?
11:24 / 18-05-2024
ამერიკელი მეცნიერები ამბობენ, რომ მათ ეგვიპტის პირამიდების კიდევ ერთი საიდუმლო ამოხსნეს. ბოლო დრომდე, ზუსტად არ იყო ცნობილი, თუ როგორ ახერხებდნენ მშენებლები დიდი რაოდენობით უზარმაზარი ქვის ლოდების გადატანას, გიზის 31 პირამიდის ასაშენებლად.
- ჩრდილოეთ კაროლინას უნივერსიტეტის მეცნიერთა ჯგუფმა დაადგინა, რომ პირამიდები, სავარაუდოდ, ნილოსის ერთ-ერთ შენაკადთან აშენდა. ეს შენაკადი ახლა დაფარულია საჰარის ქვიშითა და სასოფლო-სამეურნეო მიწით.
ეგვიპტოლოგებმა წლების განმავლობაში იცოდნენ, რომ ძველ ეგვიპტელებს მძიმე ქვები სავარაუდოდ, მდინარეებისა და არხების გასწვრივ გადაჰქონდათ.
თუმცა, აქამდე არავინ იცოდა თუ ზუსტად სად იყო ეს მთავარი წყალგამტარი გზა, რა ფორმა ჰქონდა მას და რამდენად ახლოს იყო პირამიდებთან, - ამბობს კვლევის ერთ-ერთი ავტორი, პროფესორი ემან გონეიმი.
იმის გასაგებად, თუ სად მდებარეობდა უძველესი მდინარის კალაპოტი, საერთაშორისო კვლევითმა ჯგუფმა შეისწავლა ტერიტორიის სატელიტური სურათები, ისტორიული რუკები, გეოფიზიკური აღწერილობები და ნიადაგის ნიმუშები.
მეცნიერთა აზრით, ნილოსის ეს შენაკადი რამდენიმე ათასი წლის წინ ამოივსო ქვიშის ქარიშხლისა და გვალვის შედეგად.
აშშ-ს კოსმოსური სააგენტოს NASA-ს რადარის გამოყენებით, მკვლევრებმა შეძლეს "შეეღწიათ ქვიშიან ზედაპირზე და მიეღოთ დაფარული რელიეფის ფოტოები", - წერენ მეცნიერები ჟურნალ Nature-ში გამოქვეყნებულ კვლევაში.
- როგორც პროფესორი გონეიმი განმარტავს, რელიეფის ნაწილში იყო „დამარხული მდინარეები და უძველესი ნაგებობები“, რომლებიც მდებარეობდა იმ მხარეში, სადაც ეგვიპტის პირამიდების აბსოლუტური უმრავლესობაა აშენებული.
კვლევის ერთ-ერთმა ავტორმა, დოქტორმა სუზან ონსტინმა BBC-თან განაცხადა: "ჩვენ ახლა ვიცით ამ შენაკადის ადგილმდებარეობის შესახებ და გვაქვს მტკიცებულება, რომ არსებობდა სპეციალური წყალგაყვანილობა, რომელიც შესაფერისი იყო მძიმე ქვების, სამშენებლო მასალების, ადამიანების და სხვა ყველაფრის გადასაზიდად. ამით ზუსტად ავხსენით, როგორ აშენდა პირამიდები“.
მეცნიერთა დასკვნებით, ნილოსის ამ შენაკადის სიგრძე, რომელსაც აჰრამატს უწოდებენ სიგრძით დაახლოებით 64 კილომეტრი იყო, ხოლო სიგანით 200-დან 700 მეტრამდე და გიზას პირამიდებთან მდებარეობდა.
მეცნიერთა მიერ ნილოსის გაუჩინარებული შენაკადის აღმოჩენა ხსნის იმ ფაქტს, რომ პირამიდები გიზისა და სოფელ ლიშტს შორის აშენდა, სადაც მდებარეობს ძველი ეგვიპტის შუა სამეფოს სამარხი. ახლა ამ ტერიტორიაზე უდაბნოა.
ვინაიდან დაკარგული მდინარის კალაპოტი გიზის კომპლექსის მიმდებარედ არის, შეიძლება დავასკვნათ, რომ „ის არსებობდა პირამიდების აგების დროს“, ნათქვამია კვლევაში.
როგორც ონსტინი განმარტავს, ძველ ეგვიპტელებმა შეძლეს მდინარის ძალა მძიმე ქვების გადასატანად გამოეყენებინათ და არა მხოლოდ ადამიანის შრომაზე დაყრდნობით, როგორც აქამდე ვარაუდობდნენ.
ძველი ეგვიპტელების ცხოვრება დიდწილად იყო დამოკიდებული მდინარე ნილოსზე - და იგივე შეიძლება ითქვას თანამედროვე ეგვიპტეზე.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
