ანოკ იაი - ჩვენი დროის ერთ-ერთი ყველაზე წარმატებული მოდელი: გოგონა, რომელიც ბიოქიმიას სწავლობდა და ექიმობაზე ოცნებობდა
1997 წელს ნაომი კემპბელმა Prada-ს ჩვენება გახსნა. ანოკ იაი კი გახდა მეორე ფერადკანიანი მოდელი, რომელმაც იგივე გაიმეორა და 2018 წელს სწორედ Prada-ს გაზაფხული-ზაფხულის კოლექციის ჩვენებაზე პირველი წარდგა. მოდელი არაერთ ცნობილ ბრენდთან და მოდის სახლთან თანამშრომლობს. მათ შორისაა: Louis Vuitton, Mugler, Chanel, Saint Laurent, Estée Lauder და სხვა. ანოკ იაიმ ცოტა ხნის წინ Met Gala-ზე უამრავი ადამიანის ყურადღება მიიპყრო და მსოფლიო საკუთარი სილამაზითა და ინდივიდუალიზმით კიდევ ერთხელ გააოცა.
ხშირად ამბობენ, რომ ანოკ იაის ისტორია კონკიას ამბავს ჰგავს. გოგონა 1997 წელს, ეგვიპტეში დაიბადა. 2 წლის ასაკში ოჯახთან ერთად, საცხოვრებლად ამერიკაში გადავიდა. სკოლის დამთავრების შემდეგ პლიმუტის უნივერსიტეტში ჩააბარა, სადაც ბიოქიმიის მიმართულებით სწავლობდა და სურდა, ექიმი გამხდარიყო.
"როდესაც ჩემი მშობლები ამერიკაში ჩავიდნენ, დღეში 16 საათის განმავლობაში მუშაობდნენ, რომ ჩვენზე ეზრუნათ. ვიცოდი, რომ მეც იგივე უნდა გამეკეთებინა. ღარიბები ვიყავით, გარკვეული პერიოდის განმავლობაში, საერთო საცხოვრებელში ვცხოვრობდით, შემდეგ კი ჩვენი სახლიც ვიყიდეთ." - იხსენებს მოდელი.
გოგონა ექიმობისთვის ემზადებოდა, ბევრს სწავლობდა და სურდა, რომ განსხვავებული მომავალი შეექმნა და მშობლებს დახმარებოდა.
2017 წელს ყველაფერი მოულოდნელად შეიცვალა. ვაშინგტონში ერთ-ერთმა ფოტოგრაფმა გადაიღო და მისმა ფოტოებმა იმდენად დიდი გამოხმაურება გამოიწვია, რომ გოგონას მალევე Next Model Management-თან თანამშრომლობა შესთავაზეს. 6 თვეში Prada-სთან კონტრაქტი გააფორმა და როგორც აღვნიშნეთ, ისტორიაში მეორე ფერადკანიანი მოდელი გახდა, ვინც მოდის სახლის ჩვენება გახსნა. გააგრძელეთ კითხვა და დაათვალიერეთ ფოტოები