"ძმა იმუქრებოდა, სადაც ვნახავ, იქ მოვკლავო... ჯერ მანქანა დააჯახა, შემდეგ კი..." - რა ახალი დეტალები ხდება ცნობილი გარდაბანში მომხდარ მკვლელობაზე
რამდენიმე საათის წინ გარდაბანში მკვლელობა მოხდა. არსებული ინფორმაციით, ძმამ და მოკლა. გავრცელებული ინფორმაციით, ახალგაზრდა მამაკაცი დას ჯერ მანქანით დაეჯახა, შემდეგ კი 4-ჯერ დაარტყა დანა.
ეთნიკურად აზერბაიჯანელი გარდაცვლილი ქალი 22 წლის იყო. გამოძიება სისხლის სამართლის კოდექსის 11 პრიმა 109-ე მუხლით დაიწყო, რაც დამამძიმებელ გარემოებაში ოჯახის წევრის განზრახ მკვლელობას გულისხმობს.
როგორც Ambebi.ge-ს ადგილობრივი უყვება ახალგაზრდა ქალს ქმარი და ორი შვილი დარჩა.
"საკმაოდ შეძლებული ოჯახიც ჰქონდა. ბოლო პერიოდში სახლიდან წავიდა. ძმა დას ეძებდა, იმუქრებოდა, სადაც ვნახავ იქ, მოვკლავო. ისენიც ერიდებოდნენ, ძმა გოგონას დღეს გადაეყარა ქუჩაში, ჯერ მანქანა დააჯახა, მერე წაქცეულს 4-ჯერ ჩაარტყა დანა.
გოგონა ადგილზე გარდაიცვალა", - გვიყვება ადგილობრივი.
სხვა დეტალები ამ დროისთვის უცნობია.