შარლ მიშელის პოსტი X-ზე, რომელსაც ქართველებთან ერთად, მარკეტა გრიგოროვაც აკრიტიკებს -  "ძვირფასო შარლ, აქ მხოლოდ ერთი საზრუნავია: რუსული კანონი..."

ევროპული საბჭოს პრეზიდენტმა შარლ მიშელმა საქართველოს პრეზიდენტსა და პრემიერ-მინისტრთან ტელეფონით საუბრის შესახებ ინფორმაცია სოციალურ ქსელში გამოაქვეყნა.

"საქართველოს პრეზიდენტთან, სალომე ზურაბიშვილთან განვიხილე დღეს საქართველოში არსებული მდგომარეობა, რასაც მოჰყვა ზარი პრემიერ-მინისტრ ირაკლი კობახიძესთან.

კიდევ ერთხელ გავიმეორე ჩემი სრული მხარდაჭერა, გავაგრძელო ქართველების დახმარება ევროპული მომავლისკენ მუშაობის პროცესში, მათ შორის, ყველა მხარის ლეგიტიმური შეშფოთებების მოსაგვარებლად საუკეთესო გზების პოვნაში დახმარებით“, - წერს მიშელი სოციალურ ქსელ X-ზე.

<blockquote class="twitter-tweet"><p lang="en" dir="ltr">Discussed the current situation in Georgia today with 🇬🇪 President <a href="https://twitter.com/Zourabichvili_S?ref_src=twsrc%5Etfw">@Zourabichvili_S</a> over the phone, followed by a call with 🇬🇪PM <a href="https://twitter.com/PM_Kobakhidze?ref_src=twsrc%5Etfw">@PM_Kobakhidze</a>. <br><br>Reiterated my full support in continuing to help Georgians to work towards a European future, including by helping to find the best…</p>&mdash; Charles Michel (@CharlesMichel) <a href="https://twitter.com/CharlesMichel/status/1790819826878800362?ref_src=twsrc%5Etfw">May 15, 2024</a></blockquote> <script async src="https://platform.twitter.com/widgets.js" charset="utf-8"></script>

მისი პოსტის ქვეშ უამრავი კომენტარია, ბევრი უკმაყოფილოა მიშელის განცხადებით, მათ შორის ევროპარლამენტის წევრი, მარკეტა გრეგოროვა, რომელიც წერს:

"ყველა მხარის“ შეშფოთება რას ნიშნავს? რაზე ღელავს "ქართული ოცნება“, დემოკრატიაზე? ევროკავშირმა უნდა გააქარწყლოს საქართველოს მოქალაქეების ლეგიტიმური შეშფოთება ევროპულ მომავალთან დაკავშირებით, სხვა არაფერი! გააკეთეთ ეს ან გადადექით“.

• პოსტზე მრავლადაა საქართველოს რიგითი მოქალაქეების კომენტარებიც:

"დაასანქცირეთ ოლიგარქი ივანიშვილი!“

"რა "ლეგიტიმური შეშფოთება“ შეიძლება ჰქონდეს რუსეთის რეჟიმს საქართველოში? ლუკაშენკოს და იანუკოვიჩსაც აქვთ "ლეგიტიმური შეშფოთება?“

"ყველამ თავიდანვე ვიცოდით, რომ ბატონი ივანიშვილი რუსული აქტივი იყო. როგორც ჭკვიან მანიპულატორს შეეფერება, ის უკვე ათ წელზე მეტია ნელ-ნელა, ყოველდღიურად არღვევს საქართველოს დასავლურ ინტეგრაციას.

ყველაზე დიდი დაბრკოლება, რომელსაც ის ამ გზაზე წააწყდა, არის ის, რომ დაეთრგუნა და დაემორჩილებინა ქართველები და დაებრუნებინა ისინი მოსკოვში. მაგრამ ქართველი საზოგადოება მტკიცედ არის გადაჯაჭვული ევროპასთან და ზოგადად, დასავლეთთან. მისდა სამწუხაროდ, ეს კავშირი დროთა განმავლობაში დამოუკიდებელ საქართველოში დაბადებული ახალგაზრდა თაობის წყალობით გაძლიერდა“.

"ძვირფასო შარლ, აქ მხოლოდ ერთი საზრუნავია: რუსული კანონი და მხარე, რომელსაც აქეთ მივყავართ. ერთის მხრივ, თქვენ გყავთ საქართველოს თავისუფლებისმოყვარე ხალხი, მეორე მხარეს - რუსი ოლიგარქი. ბიუროკრატიისა და დამშვიდების ენამ სწორედ აქამდე მოგვიყვანა“.

• მოამზადა ეკა დარჩიაშვილმა