"შთამბეჭდავია და განსაკუთრებულ პატივისცემას იმსახურებს" - თინა კანდელაკი საქართველოს მთავრობას აქებს: რას წერს კრემლის პროპაგანდისტი?
რუსეთში მცხოვრები ქართული წარმოშობის ჟურნალისტი თინა კანდელაკი საქართველოში მიმდინარე აქციებს კიდევ ერთხელ ეხმაურება. პუტინის მეხოტბე და კრემლის პროპაგანდისტი წერს, რომ "კინოს სცენარი ყველა ქვეყანაში ერთი და იგივეა და არ იცვლება. თუმცა იმედი აქვს, რომ საქართველოს ხელისუფლებას საღ აზროვნებაში ხელს არავინ შეუშლის"
"ეს ფილმი ერთხელ უკვე ნანახი გვაქვს. იქ ერთი კადრი მეორეს იმეორებს, ერთი და იგივე სიტყვები ისმის, იგივე გეგმები მეორდება. "ტირანები", "ახალგაზრდობა წინააღმდეგია", "ამ ხელისუფლების გარეშე მომავალი უღრუბლოა" - ეს უკვე გსმენიათ.
ახლო აღმოსავლეთი, იუგოსლავია, უკრაინა, სომხეთი - სცენარი ყველგან ერთნაირია. ირგვლივ იდენტური ფოტოებია, რომლებიც მყისიერად ჩანს მთელ "განმანათლებლურ“ სამყაროში, იგივე ტიპის ისტორიები და გმირები სევდიანი ბედით.
რეჟისორები თემასაც კი არ ცვლიან კონკრეტული ერის მახასიათებლებით - რატომ? დასასრული ისევ იგივეა - სისხლი და ქაოსი, სიღარიბე და ტანჯვა. მაგრამ ეს არავის აჩერებს.
საქართველოში კინო მეორედ ამოქმედდა. პირველად ეს ყველაფერი ომით, დამარცხებით, ტერიტორიის დაკარგვით დასრულდა. ვიმედოვნებ, რომ ამჯერად საქართველოს ხელისუფლებას საღი აზროვნებაში ხელს არავინ შეუშლის. შთამბეჭდავია და განსაკუთრებულ პატივისცემას იმსახურებს", - წერს კანდელაკი.
წაიკითხეთ ასევე: