მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დათოს დასისხლიანების შემდეგ ტელეფონით იღებდნენ პროცესს, თითქოს ანგარიშის ჩასაბარებლად უნდოდათ ეს კადრები... წაართვეს საფულე და მობილური" - ქაცარავას მეუღლე უმძიმესი დეტალებით
12:41 / 15-05-2024
გუშინდელ აქციაზე სასტიკად ნაცემი დავით ქაცარავას ჯანმრთელობის მდგომარეობა ამ დროისთვის სტაბილურია, თუმცა მანამდე მას გადაუდებელი ოპერაცია ჩაუტარდა.
ქაცარავა სამედიცინო დაწესებულებაში კიდევ 2 დღე დარჩება.
"დავით ქაცარავა კლინიკაში რჩება. მისი ჯანმრთელობის მდგომარეობა სტაბილურია. ექიმების მეთვალყურეობის ქვეშ იმყოფება. გუშინ ჩაუტარდა ქირურგიული ოპერაცია. სტაციონარშია მოთავსებული, 2 დღე კვლავ კლინიკაში დარჩება“,- აღნიშნავენ ინგოროყვას საუნივერსიტეტო კლინიკაში და განმარტავენ, რომ მეტ დეტალზე ოჯახის თხოვნით ვერ ისაუბრებენ.
- ცოტა ხნის წინ სოციალურ ქსელში ვრცელი პოსტი გამოაქვეყნა დავით ქაცარავას მეუღლემ, სადაც წერს, როგორ სასტიკად მოექცნენ სპეცრაზმის თანამშრომლები "ანტისაოკუპაციო მოძრაობის“ წევრს. მისივე ინფორმაციით, ცემის მომენტს სპეცრაზმის თანამშრომლები ტელეფონით იღებდნენ.
"დათო კონტაქტურია, არის გამაყუჩებლებზე. ექიმები სულ თავზე ადგანან. ოპერაცია ჩატარდა უმაღლეს დონეზე. ჩადგმული აქვს პლატონის ფირფიტები. თავზე უზარმაზარი ჰემატომა, მეორე თავი ადევს. მიყვანის შემდეგ კატეს გადაღების მერე ეგრევე წაიყვანეს საოპერაციოდ. მხოლოდ ეს ფაქტი, რომ ოპერაცია იყო გადაუდებელი და ქირურგი სახლიდან მოიყვანეს სპეციალურად, მისი მდგომარეობის სიმძიმეზე მეტყველებს. დილამდე ამბავი ვერ იცდიდა. მგონი ნათელია ეს!!!! ამ საკითხზე სხვა აზრი აქ არ არსებობს და მორჩა! არაერთგზის არაერთი სპეცის მიერაა ნაცემი ჯგუფურად. შავ მასაში შეთრევის შემდეგ წამით არ გაუჩერებიათ დათოს გინება. ურტყამდნენ თავიდანვე. ჭიჭინაძეზე ათრევის შემდეგ ჩააყენეს წრეში და დაესივნენ.
მერე შეაგდეს ფურგონში. ამ სპეცებმა წაართვეს მობილური, საფულე, პატარა ზურგჩანთა. ( ეს ცალკე ამბავია, კანონდარღვევა) ურტყამდნენ პარტია - პარტია, ლანძღვითა და გინებით. დათო მხოლოდ ერთობისკენ და საერთო მტრის ოკუპანტის წინააღმდეგ გაერთიანებისკენ მოუწოდებდა ამ მათი ბილწსიტყვაობის ფონზე. ასევე იღებდნენ ტელეფონით ამ პროცესს. განსაკუთრებული გადაღება მოუწყვეს ცხვირის გატეხვის და დასისხლიანების შემდეგ, თავი ააწევინეს რომ კადრში კარგად გამოჩენილიყო მისი დაზიანებები. თითქოს ანგარიშის ჩასაბარებლად უნდოდათ ეს კადრები.
კიდევ ურტყეს შემდეგ. სპეც ხელთათმანებით, მუშტზე კასტეტები რომ აქვს. ეს აღარაა ძალის გადამეტება!!!! კვალიფიკაცია უნდა იყოს წამება-არასათანადო მოპყრობა! სტრასბურგი წინაა, აუცილებლად! ბოლოს თავისიანს დაუძახია, კაი ახლა გეყოფაო… პატრულს გადაუსვეს, წაიყვანეს სამგორის "შუშებში". იქიდან სასწრაფომ წაიყვანა ინგოროყვას კლინიკაში. თავისთავად, ასეთი უმძიმესი დაზიანებებით არ დაიტოვეს. ხელწერილითაა გამოშვებული. თუ კი ვინმე დარჩა ამის შემდეგ ვისაც ჰგონია, რომ ორი არჩევანი გვაქვს, ვინც ფიქრობს რომ უი, აი განსხვავებულ აზრზე ვარ და მე ჩემი აზრი მაქვსო, სასწრაფოდ გაქრით ჩემი ყველა სახის ველიდან!!!!საქართველოს სჭირდება ერთგული მოქალაქეები! თქვენ ყველა მოღალატენი ხართ! ესაა რუსეთი მხარეს ყოფნა და გააცნობიერეთ ეს! საქართველო გაიმარჯვებს სახელოვნად!" - წერს სოფიო ხაჭაპურიძე.
ცნობისთვის, პოლიციის მხრიდან დავით ქაცარავას მიმართ სამსახურებრივი უფლებამოსილების ძალადობით გადამეტების ფაქტზე, სპეციალურმა საგამოძიებო სამსახურმა გამოძიება დაიწყო.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
