"კავკასიის უნივერსიტეტის მმართველთა საბჭომ უკან გამოვიწვიეთ უნივერსიტეტის ხელმოწერა რექტორთა კონფერენციის განცხადებაზე" - რას წერს ნინო ჟიჟილაშვილი
"ჩვენ - კავკასიის უნივერსიტეტის მმართველთა საბჭომ, უკან გამოვიწვიეთ უნივერსიტეტის ხელმოწერა რექტორთა კონფერენციის განცხადებაზე" - ამის შესახებ კავკასიის უნივერსიტეტის ლექტორი, ჟურნალისტი ნინო ჟიჟილაშვილი სოციალურ ქსელში წერს.
"ჩემო ძვირფასო მეგობრებო, კავკასიის უნივერსიტეტის მედიის სკოლის ლექტორებო, სტუდენტებო, კურსდამთავრებულებო. უმორჩილესად გთხოვთ, გვაპატიოთ ეს დიდი გაუგებრობა და მხედველობაში მიიღოთ, რომ ჩვენი პოზიცია მიმდინარე პოლიტიკურ პროცესებთან დაკავშირებით არის ურყევი. #არარუსულკანონს.
- ჩვენ - კავკასიის უნივერსიტეტის მმართველთა საბჭომ, უკან გამოვიწვიეთ უნივერსიტეტის ხელმოწერა რექტორთა კონფერენციის განცხადებაზე.
იხილეთ პოზიცია “კავკასიის უნივერსიტეტის” მმართველთა საბჭო ხმათა უმრავლესობით არ იზიარებს დღეს გამოქვეყნებულ, საქართველოს უნივერსიტეტების რექტორთა კონფერენციის განცხადების სულისკვეთებასა და ხედვას. აღვნიშნავთ, რომ განცხადებაზე ხელმოწერა არ იყო შეთანხმებული მმართველთა საბჭოსთან და ცნობილი გახდა გამოქვეყნების შემდეგ.
შესაბამისად, პოლიტიკური პოზიციის შემცველ ამ განცხადებაზე ჩვენი პოზიციის გამოხატვა შევძელით "კავკასიის უნივერსიტეტის“ საბჭოს კვორუმის შედგენისთანავე. ვაცხადებთ, რომ კავკასიის უნივერსიტეტის მმართველი საბჭო რჩება 7 მაისს უნივერსიტეტის მიერ გაკეთებული განცხადების ერთგული, რომლითაც "რუსულ კანონთან“ დაკავშირებით საკუთარი პოზიცია ნათლად კიდევ ერთხელ გამოვხატეთ.
გვესმის იმ პროცესების ძალიან დიდი მნიშვნელობა, რომელშიც ჩართულნი არიან ჩვენი სტუდენტები, კურსდამთავრებულები, ლექტორები და ადმინისტრაცია, ამიტომ სასწავლო პროცესში უნივერსიტეტის მხრიდან თითოეული მათგანისთვის აქამდეც იყო და მომავალშიც იქნება მაქსიმალური ხელშეწყობა - დაცული იქნება, როგორც მათი გამოხატვის თავისუფლების ფუნდამენტური უფლებები, ასევე, აკადემიური დაწესებულებების ავტონომიურობა", - წერს ჟიჟილაშვილი.
ნახეთ ასევე:
- "უნივერსიტეტის პრეზიდენტმა მითხრა, რომ სუს-მა მოსთხოვა ჩემი გაშვება, რადგან "ბიძინას ვაგინებდი... გამიშვეს სამსახურიდან..." რას წერს კავკასიის უნივერსიტეტის ლექტორი
- "არანაირი ზარი, მუქარა, თხოვნა არ ყოფილა მისი სამსახურიდან გაშვების გამო. ის იყო ყველაზე სუსტი დეკანი" - კავკასიის უნივერსიტეტის პრეზიდენტი სოსო ბერიკაშვილზე