"არანაირი ზარი, მუქარა, თხოვნა არ ყოფილა მისი სამსახურიდან გაშვების გამო. ის იყო ყველაზე სუსტი დეკანი" - კავკასიის უნივერსიტეტის პრეზიდენტი სოსო ბერიკაშვილზე
კავკასიის უნივერსიტეტი დღეს რამდენიმე ლექტორმა დატოვა. მათ შორის არიან ლევან ბერძენიშვილი, დავით ქაშიაშვილი, ნიკო ნერგაძე. ლექტორების მხრიდან უნივერსიტეტის დატოვების შესახებ განცხადებებს კი წინ უძღოდა, უნივერსიტეტის კიდევ ერთი პროფესორის, სოსო ბერიკაშვილის განცხადება. ბერიკაშვილი წერს, რომ უნივერსიტეტის ხელმძღვანელობას სუს-მა მისი გათავისუფლება მოსთხოვა, რის შემდეგაც ის სამსახურიდან გაუშვეს.
- აღნიშნულ საკითხს ეხმიანება კავკასიის უნივერსიტეტის პრეზიდენტი, კახა შენგელია.
"ჩემო ძვირფასო სტუდენტებო, ლექტორებო, პროფესორებო, მასწავლებლებო, ჩემო საყვარელო თანამშრომლებო, რაც სოსო ბერიკაშვილმა დღეს იკადრა, არის ღალატი ყველაფრის, სტუდენტების, უნივერსიტეტის, მისი ოჯახის, რასაც თვითონ აკეთებდა ბოლო რამდენიმე წლის განმავლობაში.
მისი საქციელი არის სამარცხვინო, რადგან ამ ძალიან დაძაბულ სიტუაციას ქვეყანაში იყენებს თავისი პოლიტიკური კარიერისთვის.
საჯაროდ ვაცხადებ არანაირი ზარი, მუქარა, თხოვნა არ ყოფილა მისი სამსახურიდან გაშვების გამო. ის იყო ყველაზე სუსტი დეკანი კავკასიის უნივერსიტეტში და ყველაზე ზარმაცი თანამშრომელი. ძალიან დიდი ხნის განმავლობაში, მასთან მქონდა რთული ურთიერთობა მხოლოდ და მხოლოდ უნივერსიტეტის გამო, ბოლოსდაბოლოს, იძულებული გავხდი სამსახურიდან გამეშვა, სამწუხაროდ, დაემთხვა იმ დროს, რაც მან შესანიშნავად გამოიყენა", - წერს კახა შენგელია.
ნახეთ ასევე: