მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ინდონეზიაში ვულკანის ამოფრქვევისა და დიდი წვიმის შედეგად წარმოქმნილ "ცივი ლავის" ღვარცოფებს, სულ ცოტა, 41 ადამიანი ემსხვერპლა (ფოტოები)
12:22 / 13-05-2024
დასავლეთ ინდონეზიის კუნძულ სუმატრაზე ვულკანის ამოფრქვევისა და დიდი წვიმის შედეგად წარმოქმნილ "ცივი ლავის" ღვარცოფებს, სულ ცოტა, 41 ადამიანი ემსხვერპლა. ძლიერმა წვიმამ ფერფლისა და ქვების ნაშალი მარაპის მთიდან ქვემოთ ჩაიტანა და დასახლებები წალეკა. "ცივმა ლავამ" ორი უბანი დატბორა, ხალხი მოიყოლა და 100-ზე მეტი სახლი, მეჩეთი და საზოგადოებრივი დაწესებულება დააზიანა.
ხელისუფლების თქმით, დაღუპულთა რიცხვის ზრდა მოსალოდნელია, რადგან 18 ადამიანი ჯერ კიდევ დაკარგულად მიიჩნევა.
გადარჩენილები მედიას უყვებოდნენ, როგორ გარბოდნენ, როცა ცივი ლავა - ვულკანური მასალისა და ქვების ნაზავი მათი სახლებისკენ დაიძრა:
"უცებ იქუხა, შემდეგ კი მდუღარე წყლის თუხთუხის მსგავსი ხმები ისმოდა. მერე მივხვდი, რომ ეს მარაპის მთიდან ჩამოცვენილი დიდი ქვების ხმა იყო",- განუცხადა AFP-ს საინფორმაციო სააგენტოს ადგილობრივმა მცხოვრებმა. მან ისიც დასძინა, რომ მეზობლის სახლი დიდმა კლდოვანმა ნაშალმა მიწასთან გაასწორა და რომ მისი ოთხი მეზობელი გარდაიცვალა.
ეროვნული სამძებრო-სამაშველო სააგენტოს ცნობით, მაშველებმა სოფელ კანდუაგში 19 ცხედარი იპოვეს, 9 კი მის მეზობლად მდებარე ტანა დატარში.
გარემოსდაცვითმა ექსპერტებმა BBC-სთან განაცხადეს, რომ სტიქიური უბედურება, ნაწილობრივ მაინც, ადამიანების საქმიანობითაა გამოწვეული:
"წყალდიდობები და ცივი ლავის ღვარცოფები კვლავ განმეორდება. გაიზრდება მათი ინტენსივობაც, რადგან ბუნებრივი რესურსების გადაჭარბებულ ექსპლუატაციასთან გვაქვს საქმე",- თქვა ვენგკი პურვანტომ, ინდონეზიის გარემოს დაცვის ფორუმის დასავლეთ სუმატრას ფილიალის დირექტორმა.
"შედეგად, კატასტროფები ყოველწლიურად მეორდება, იზრდება მათი სიხშირეც",- დასძინა მან.
მარაპის მთის მიმდებარე ტერიტორიაზე ბოლო ექვსი თვის განმავლობაში უკვე რამდენიმე მსგავსი კატასტროფა მოხდა.
წყარო: bbc
მოამზადა: ანა სიბოშვილმა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
