"არ გაჩერდნენ მარტო ჩვენზე, ჩემი ოჯახის წევრებს, ბებიაჩემსაც კი დაურეკეს, ბაბუაჩემსაც თუ იპოვიან, შეუძლიათ, რომ მიეწიონ იქ" - ბორის ყურუა

"გირჩი - მეტი თავისუფლების“ წევრის, ბორის ჩელე ყურუას თქმით, "ოცნების" მაგინებელთა ჯგუფმა არა მარტო მას, არამედ მის ბებიასაც კი დაურეკა. ოპოზიციის წევრის განცხადებით, ასეთ მდაბიო ქმედებას მხოლოდ "ქართული ოცნება" თუ მოიფიქრებდა.

"არ გაჩერდნენ მარტო ჩვენზე, ჩემი ოჯახის წევრებსაც დაურეკეს, ბებიაჩემსაც დაურეკეს, არ ვიცი ბაბუაჩემსაც თუ იპოვიან, თუ ვერ იპოვიან, შეუძლიათ, რომ მიეწიონ იქ, სადაც არის. ასეთი სიბანძე მარტო "ქართულ ოცნებას“ შეეძლო მოეფიქრებინა. დარწმუნებული ვარ, რომ დიმიტრი სამხარაძე ამის სათავეში თუ არ არის, სადმე მაინც არის და სკოლა დაუმთავრებელი კაცია მართლა ის, ვინც მოიფიქრებდა ასეთ სიბანძეს და იდიოტობას", - ამბობს ბორის ყურუა. მის კომენტარს "ტვ პირველი" ავრცელებს.

შეგახსენებთ, უკვე მეორე დღეა, რაც უცნაური სატელეფონო ნომრებით მაგინებელთა არმია რუსული კანონის მოწინააღმდეგე საქართველოს მოქალაქეებს, მათი ოჯახის წევრებს, საპროტესტო აქციის აქტივისტებსა და პოლიტიკოსებს ესხმის თავს - მათ ურეკავენ და აგინებენ, ეუბნებიან, რომ თუ აქციაზე გავლენ, ფიზიკურად გაუსწორდებიან.

იხილეთ ასევე:

• "დავალების მიმცემთა მოკლე ჭკუით და ბრიყვი მოსაზრებით, ეს დაშინებას ემსახურება" - სატელეფონო მუქარა და კოლექტიური ლანძღვა-გინება: ვინ დგას ამის უკან და რას გვირჩევს უსაფრთხოების ექსპერტი?
• "პირველი ვინც გაგაგებინა რეკავენო, აი, ეგ არის გველი... უბრალოდ შენზე გავოგნდი" - რას წერს ლაშა ბასლანძე რობერტო მავანზე, სოცქსელში გამოქვეყნებული ვიდეოს შემდეგ