ქანიე უესტის რუსული ტურნე: ამერიკელი რეპერი მეუღლესთან ერთად მოსკოვს ეწვევა - დაგეგმილია მისი კონცერტი და სავარაუდოდ, შეხვედრა პუტინთან

ცნობილმა ამერიკელმა რეპერი ქანიე უესტი 8 ივნისს მოსკოვში კონცერტს გამართავს. ამის შესახებ ინფორმაციას რუსული მედია ლუჟნიკის სტადიონის ადმინისტრაციაზე დაყრდნობით ავრცელებს. მათივე თქმით, რეპერი რუსეთს მეუღლესთან, მოდელ ბიანკა ცენსორთან ერთად ეწვევა.

• "მოლაპარაკებები წელიწადზე მეტია მიმდინარეობს და ქანიეს მთავარი სურვილია, ნახოს მოსკოვი და მაგარი კონცერტი გამართოს", - განაცხადეს ორგანიზატორებმა.

მათ აღნიშნეს, რომ რეპერი 8 ივნისს კონცერტს საკუთარ დაბადების დღეზე გამართავს, მას 47 წელი უსრულდება.

მანამდე რეპერს არაერთხელ გაუკეთებია ხმამაღალი განცხადებები და ის თავს რუსეთის პრეზიდენტ ვლადიმირ პუტინს ადარებდა. რუსული მედია ვარაუდობს, რომ რუსეთში სტუმრობისას ის პუტინსაც შეხვდება.