ლელა კილაძე მეხუთე შვილს ელოდება - რა ფოტოს აქვეყნებს "ინსტაგრამზე" და რა არის ცნობილი მისი ახალი სიყვარულის შესახებ?

ლელა კილაძე მეხუთე შვილს ელოდება. ფოტო, სადაც ჩანს, რომ ქალი რამდენიმე თვის ორსულია ინსტაგრამის სთორიში, კილაძის დეიდაშვილმა მარი გოშხეთელიანმა გამოაქვეყნა. ცნობილ სახეს ახლახან შეუსრულდა 41 წელი. იუბილე გამორჩეული წვეულებით აღნიშნა, რომელსაც ლელას სამი ყოფილი ქმარი და ახლანდელი შეყვარებული ესწრებოდნენ.

• ლელა კილაძეს ოთხი ქორწინებიდან ოთხი შვილი ჰყავს. ქალი პირველად მაშინ გახდა პოპულარული, როდესაც მაშინდელ თბილისის მერზე გიგი უგულავაზე იქორწინა. ლელასთვის ეს მესამე ქორწინება იყო. უგულავას დაპატიმრებიდან მალევე ცნობილი გახდა, რომ ლელა მასაც დაშორდა და ამჯერად გუკა რჩეულიშვილზე იქორწინა.

წყვილს საერთო ქალიშვილი თრინითი შეეძინათ, თუმცა მოგვიანებით გუკა რჩეულიშვილს ოჯახური ძალადობის ფაქტზე უჩივლა და კინოპროდიუსერი დააკავეს. ციხიდან გამოსვლის შემდეგ, გუკამ ლელას საჯარო მადლობა გადაუხადა და წყვილი შერიგდა, თუმცა რამდენიმე თვეში ცნობილი გახდა, რომ ერთმანეთს დაშორდნენ.

ლელა ახალ შეყვარებულთან, ლიზა ბაგრატიონის ყოფილ ქმართან, გიორგი ცაგარელთან ერთად გამოჩნდა და წელიწადზე მეტია, რაც ერთად არიან. სოციალურ ქსელში აქვეყნებენ საერთო ფოტოებს, სადაც გრძნობებს არ მალავენ.

მართალია, ცაგარელსა და კილაძეს ოფიციალურად არ უქორწინიათ, თუმცა როგორც ფოტოზე ჩანს და ჩვენი წყაროც ადასტურებს, ისინი საერთო შვილს ელოდებიან.

წაიკითხეთ ასევე:

• ლელა კილაძის გრანდიოზული იუბილე, რომელსაც ახლანდელი შეყვარებული და ყოფილი ქმრები გიგი უგულავა, ნიკა მაჭარაძე და გუკა რჩეულიშვილი დაესწრნენ - ფოტოები წვეულებიდან