ვარსკვლავთცვენა წითელ ხალიჩაზე, შთამბეჭდავი კაბები და გურამ გვასალია ქანიე ვესტის სტილში - ვის რა ეცვა 2024 წლის Met Gala-ზე (ფოტოები)
ყოველ წელს, მაისის პირველ ორშაბათს, ნიუ-იორკის თანამედროვე ხელოვნების მუზეუმი ვარსკვლავებს მასპინძლობს, რომლებიც ღონისძიებისთვის Met Gala საგანგებოდ ემზადებიან და საღამოსთვის სპეციალურად შექმნილი სამოსით პოზირებენ წითელ ხალიჩაზე.
ღონისძიება, რომელიც მოდის სფეროში ყველაზე პრესტიჟულად მიიჩნევა, საქველმოქმედოა, თანხა კოსტიუმების ინსტიტუტისთვის გროვდება.
წელს "მეთ გალას“ თემა იყო "მძინარე მზეთუნახავი: მოდის გამოღვიძება". აღსანიშნავია, რომ ღონისძიებაზე იმყოფებოდნენ ქართველი დიზაინერი ძმები - დემნა და გურამ გვასალიები. გურამი შოუზე გამოჩნდა კიდეც, ხოლო Balenciaga-ს კრეატიულმა დირექტორმა, დემნამ კულისებში დარჩენა ამჯობინა. მისი დიზაინით შექმნილი კაბები კი ნიკოლ კიდმანმა, იზაბელ იუპერმა და სხვა ვარსკვლავებმა მოირგეს.
ვნახოთ ყველაზე დასამახსოვრებელი კაბები მოდის სამყაროში ერთ-ერთი ყველაზე პომპეზური ღონისძიებიდან:
ჯიჯი ჰადიდის გამოჩენა ერთ-ერთი მთავარი მომენტი იყო
