24 წლის მასწავლებელი 11 წლის მოსწავლეს ხვდებოდა, რის შემდეგაც ქალი დააკავეს - "ბერგმანის ჩანთაში იპოვეს საქაღალდე, სადაც წერილებს ინახავდა"
ამერიკაში, ვისკონსინის შტატში დაწყებითი სკოლის 24 წლის მასწავლებელი ოთხშაბათს დააკავეს. როგორც გაირკვა, მედისონ ბერგმანს მეხუთე კლასელთან "შეუსაბამო" ურთიერთობა ჰქონდა. 11 წლის ბიჭსა და მასწავლებელს შორის ურთიერთობის შესახებ, პირველად ბავშვის დედამ გაიგო, როცა მათი სატელეფონო საუბარი მოისმინა.
მშობლებმა, სავარაუდოდ, მათ შორი მიმოწერაც წაიკითხეს, ხოლო ბიჭის მამამ დირექტორს ამონაწერები წარუდგინა. როგორც გაირკვა, ისინი ერთმანეთს გაკვეთილების შემდეგ ან ლანჩის დროს ხვდებოდნენ. ბერგმანის ჩანთაში პოლიციამ ასევე აღმოაჩინა საქაღალდე, რომელშიც მოსწავლის მიერ გაგზავნილ წერილებს ინახავდა. ერთ-ერთ წერილში ქალი 11 წლის ბავშვს წერს, რომ მათი ურთიერთობა არასწორია.
"ვიცი, რომ ჩვენ განსაკუთრებული ურთიერთობა გვაქვს. მე შენ ყველაზე მეტად მიყვარხარ. მაგრამ ახლა უნდა გავჩერდე."
გაურკვეველია, რამდენ ხანს გრძელდებოდა ძალადობა. ბავშვის მშობლებთან ბერგმანს ახლო ურთიერთობა ჰქონდა. ოჯახმა იგი დასასვენებლად ალპებშიც კი მიიწვია. სკოლის განცხადებით, ბერგმანი სამსახურიდან გაათავისუფლეს. მას ეკრძალება კონტაქტი მოსწავლეებთან, მშობლებთან და სკოლის პერსონალთან.
”სკოლის პერსონალის სავარაუდო არასათანადო ქცევა, რომელიც არღვევს ნდობას, ღრმად შემაშფოთებელია ყველა ჩვენგანისთვის”, - ნათქვამია შეტყობინებაში.
მედისონ ბერგმანმა River Crest Elementary-ში მუშაობა 2022 წელს დაიწყო. სოციალური მედიიდან ირკვევა, რომ იგი დანიშნული იყო და ქორწილს რამდენიმე თვეში გეგმავდა.
წყარო: cbsnews