მნიშვნელოვანი ინფორმაცია
17
ივლისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 23:58-ზე, მთვარე ვერძშია – რეკომენდებულია: მონანიება, მიტევება, მარხვა. სახლის განწმენდა და დალოცვა. კარგია ყველაფერი ზედმეტის მოშორება. არ არის რეკომენდებული: მოლაპარაკებების წარმოება. აზრებისა და იდეების სხვებისთვის გაზიარება. გაუფრთხილდით ხერხემალს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს. ამ დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პუტინის მეხოტბე, ქართული წარმოშობის ჟურნალისტი საბჭოთა კავშირს მისტირის და საქართველოში ოჯახის, რწმენისა და ცხოვრების წესისთვის შექმნილი "საფრთხეების" გამო წუხს
10:55 / 02-05-2024
რუსეთში მცხოვრები ქართული წარმოშობის ჟურნალისტი თინა კანდელაკი საქართველოში მიმდინარე მოვლენებს ეხმაურება. ვლადიმერ პუტინის მეხოტბე და კრემლის პროპაგანდისტი მონატრებით იხსენებს საბჭოთა კავშირის პერიოდს და წერს, რომ ამჟამად ქვეყანაში ისეთი მძიმე მდგომარეობაა, რომ თვით ბიძინა ივანიშვილიც კი ღიად ადანაშაულებს დასავლეთს.
თინა კანდელაკი:
"უკან რომ ვიხედები, ხანდახან მაინტერესებს, მაქვს თუ არა იმის ნებისყოფა, რომ მივხვდე, როგორი ექსპერიმენტი ჩაგვიტარეს საბჭოთა კავშირის დაშლის დროს.
საქართველო, 80-იანი წლები, ბედნიერი ბავშვობა - საუკეთესო მიწა მსოფლიოში და ყველაზე ლამაზი ხალხი დედამიწაზე. 90-იანი წლები - შიმშილი, დანაკარგი, სიკვდილი, მიგრაცია, საქართველო სიღარიბის, უკანონობისა და დანაშაულის სიმბოლოდ იქცა.
2000-იანი წლების დასაწყისი - მასობრივი არეულობა (აგრეთვე "ვარდების რევოლუცია“), რომელიც აგებული იყო დასავლურ ნიმუშზე. ძალაუფლების შეცვლა, მეზობლებთან ჩხუბი, იმ პრინციპით, რომ ყველაფერი კარგად იქნება და დასავლეთი დაგვეხმარება. ეს არ იყო და არც იქნება კარგი. სამაგიეროდ ქართველები ომში ჩაითრიეს.
2008 წელი - ომი, მყისიერი დამარცხება, ლტოლვილები, ტერიტორიის დაკარგვა. ისევ ძალაუფლების შეცვლა. აქ მაინც "გაჩერდი" და ამ გიჟური კარუსელიდან გადმოდი, მაგრამ მარიონეტების მიერ გაშვებულმა კარუსელმა კვლავ დაიწყო ტრიალი.
მაგრამ ახლა ყველაზე ჩუმებიც კი ამაზე საუბრობენ. მილიარდერი და საქართველოში არსებული ხელისუფლების სისტემის შემქმნელი ბიძინა ივანიშვილი, რომელიც მრავალი წლის განმავლობაში დუმდა, ემოციებს ვერ იკავებდა, მან ღიად დაადანაშაულა დასავლეთი ქართველების ზარბაზნების საკვებად გადაქცევაში. მისთვის, უზარმაზარი სიმდიდრის მქონე ადამიანისთვის, ეს უფსკრულის მიღმა გადადგმული ნაბიჯია. მაგრამ ეს იმის ნიშანია, რომ საქართველოს მომავალი და ქართველების ღირებულებები - ოჯახი, რწმენა, ცხოვრების წესი - სასწორზე დგას.
საქართველო ქრისტიანობის ციხე-სიმაგრეა. ჩვენი მრავალსაუკუნოვანი კულტურა ეფუძნება ქრისტიანულ ღირებულებებს, რომლებიც გასაგებია ნებისმიერი ადამიანისთვის. ისინი ყოველთვის ამარცხებდნენ გარედან ხელოვნურად დაწესებულ ნებისმიერ ღირებულებას. ამიტომ მჯერა, რომ ჩვენ დავრჩებით ისეთები, როგორებიც ვართ - ერი და არა წერტილი ევროკავშირის სანადირო მოედნების რუკაზე".
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება სპეცოპერაციის კადრები და ფარული ჩანაწერები, რომლებშიც "ქურდულ სამყაროსთან" კავშირში მყოფი ფიგურირებენ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
