მნიშვნელოვანი ინფორმაცია
14
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 23:45-ზე, მთვარე თევზებშია – კარგია: ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. შეგიძლიათ დაიწყოთ ახალი საქმეები. მოუფრთხილდით ღვიძლს. კარგია სისხლის გაწმენდა. რეკომენდებულია აბაზანები, ნებისმიერი გამწმენდი პროცედურა. ივარჯიშეთ, იყავით სუფთა ჰაერზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საქართველოს დასავლური ტრაექტორია რისკის ქვეშაა" - როგორ ეხმაურებიან აშშ-ის სახელმწიფო დეპარტამენტსა და სენატში საქართველოში მიმდინარე მოვლენებს?
08:13 / 02-05-2024
საქართველოს დასავლური ტრაექტორია რისკის ქვეშაა, - ამის შესახებ ნათქვამია ამერიკის შეერთებული შტატების სახელმწიფო დეპარტამენტის პრესსპიკერის, მეთიუ მილერის განცხადებაში, რომელიც სახელმწიფო დეპარტამენტის ვებ-გვერდზე გამოქვეყნდა.
- მილერის განცხადების თანახმად, "კრემლის მიერ შთაგონებული უცხოური გავლენის" კანონმდებლობამ და "ქართული ოცნების" ანტიდასავლურმა რიტორიკამ საქართველო სახიფათო ტრაექტორიაზე დააყენა.
განცხადებაში ნათქვამია, რომ საქართველოს ხელისუფლების განცხადებები და ქმედებები შეუთავსებელია დემოკრატიულ ღირებულებებთან, რომლებიც საფუძვლად უდევს ევროკავშირის, ნატოს წევრობას და საფრთხე ექმნება საქართველოს გზას ევროატლანტიკური ინტეგრაციისკენ.
"შეერთებული შტატები გმობს კრემლის მიერ შთაგონებულ „უცხოური გავლენის“ კანონმდებლობას, რომელიც დღეს საქართველოს პარლამენტში იქნა მიღებული და ცრუ ნარატივს, რომელიც მთავრობის წარმომადგენლებს აქვთ მის დასაცავად.
მმართველი პარტიის წევრებმა ნათლად განაცხადეს, რომ კანონის მიზანია გააჩუმოს კრიტიკული ხმა და გაანადგუროს საქართველოს აქტიური სამოქალაქო საზოგადოება, რომელიც ნებისმიერ დემოკრატიულ ქვეყანაში მთავრობის კონტროლის მნიშვნელოვან როლს ასრულებს.
ამ კანონმდებლობამ და „ქართული ოცნების“ ანტიდასავლურმა რიტორიკამ საქართველო სახიფათო ტრაექტორიაზე დააყენა. საქართველოს ხელისუფლების განცხადებები და ქმედებები შეუთავსებელია დემოკრატიულ ღირებულებებთან, რომლებიც საფუძვლად უდევს ევროკავშირსა და ნატოს წევრობას და ამით საფრთხეს უქმნის საქართველოს გზას ევროატლანტიკური ინტეგრაციისკენ. კომენტარები, რომლებიც არასწორად ახასიათებს საგარეო დახმარებას საქართველოში - რომელსაც ჩვენ გავცემდით 32 წლის განმავლობაში საქართველოს ეკონომიკის, დემოკრატიისა და რუსული აგრესიის შეკავების უნარის გასაძლიერებლად, ძირს უთხრის ძლიერ ურთიერთობას, რომელიც განვავითარეთ საქართველოს მთავრობასთან და ხალხთან.
ჩვენ ვდგავართ ქართველი ხალხის და მისი უფლების გვერდით, რომ მათი ხმა იქნას გაგონილი. ჩვენ ვგმობთ ძალადობის გამოყენებას მშვიდობიანი საპროტესტო აქციების მიმართ, მათ შორის ჟურნალისტების მიმართ, რომლებიც აშუქებენ დემონსტრაციებს. ძალის გამოყენება მშვიდობიანი შეკრებისა და სიტყვის თავისუფლების აღსაკვეთად მიუღებელია და ჩვენ მოვუწოდებთ ხელისუფლებას, დაუშვან, რომ არაძალადობრივი აქციის მონაწილეებმა გააგრძელონ გამოხატვის თავისუფლების უფლების გამოყენება”, - წერია განცხადებაში.
- აშშ-ის სენატის საგარეო საქმეთა კომიტეტის ერთ-ერთი ლიდერი ჯიმ რიში აცხადებს, რომ "შეშფოთებულია უცხოური აგენტების კანონით“.
მისი თქმით, როგორც ჩანს „ქართულ ოცნებას“ კანონის მიღება გადაწყვეტილი აქვს, მიუხედავად იმისა, რომ ის ევროპული ინტეგრაციას აშორებს.
"შეშფოთებული ვარ უცხოური აგენტების კანონით, რომელიც, როგორც ჩანს, ივანიშვილსა და მის "ქართული ოცნების" პარტიას გადაწყვეტილი აქვთ მიიღონ, მიუხედავად იმისა, რომ ის მათ ევროპული ინტეგრაციისგან აშორებს. არასამთავრობო ორგანიზაციებს მშვიდობიანად მუშაობის საშუალება უნდა ჰქონდეთ, მთავრობის ჩარევის გარეშე, რომელსაც მათი საქმიანობა არ მოსწონს", - წერს აშშ-ის სენატის საგარეო საქმეთა კომიტეტის ერთ-ერთი ლიდერი ჯიმ რიში.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აშშ უკრაინისთვის გაგზავნის Patriot -ის სარაკეტო კომპლექსებს, რომელთა ღირებულებსაც ევროკავშირი აანაზღაურებს - რა გეგმა აქვს აშშ-ის პრეზიდენტს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
