ერთიანი ნაციონალური მოძრაობის“ თავმჯდომარე, ლევან ხაბეიშვილი, რომელიც რამდენიმე წუთის წინ კლინიკიდან გაწერეს საკანონმდებლო ორგანოში მივიდა.
ხაბეიშვილის თქმით, მათ ამის ფუფუნება არ მისცა და როგორც მან აღნიშნა, ამის გამო "შესაბამისადაც გამოიყურება“.
"ეს "ხარებას“ ზონდერ ჯგუფები მიზანმიმართულად მისწორდებოდნენ რამდენიმე წუთის განმავლობაში. ისინი მეუბნებოდნენ, მეთქვა, რომ მე "დამნაშავე და ცუდი ადამიანი ვარ“ და ამ შემთხვევაში არ მცემდნენ, მაგრამ, ცხადია, ამის ფუფუნება არ მივეცი და შესაბამისადაც გამოვიყურები ამის გამო. მაგრამ კიდევ ერთხელ ვამბობ, ეს არაფერია იმასთან, რასაც ახალგაზრდებს უკეთებენ. ჩემო ძვირფასებო, ეს არ არის პარტიული ნიშანი: "ეს პარტია მომწონს, ის პარტია მომწონს“, ყველას გეხებათ, გამოიყენეთ პოლიტიკოსები ამ ქვეყნის ეროვნული ინტერესებისთვის, მიუხედავად იმისა, მოგწონთ თუ არა. ჩემთვის მნიშვნელოვანია, უმრავლესობის წევრები თუ შეძლებენ ერთ თვალში მაინც, რომელიც კრიმინალი მე ვარ, თავს რომ დამესხნენ? ან ის ბავშვები, რომლებსაც საკუთარი ქვეყნის ევროპული მომავალი უნდათ“, - აღნიშნა ხაბეიშვილმა.
ცოტა ხნის წინ სოციალურ ქსელში პოსტი გამოაქვეყნა ხაბეიშვილის მეუღლემ ლიკა ნიკოლაიშვილმა:
"მონებო, რუსებო, ნაგვებო, არაადამიანებო. ყველაფერი კარგად იქნება და ჩვენ ამ ომს მოვიგებთ" - წერს ლიკა და მეუღლის ფოტოს აქვეყნებს, სადაც სასტიკად ნაცემი ლევან ხაბეიშვილია აღბეჭდილი.
ცნობისთვის, „ერთიანი ნაციონალური მოძრაობის“ თავმჯდომარემ, ლევან ხაბეიშვილმა კლინიკა დატოვა. მან დაზიანებები წუხელ, პარლამენტთან გამართულ აქციაზე მიიღო. თავად ხაბეიშვილმა განაცხადა, რომ მას ფიზიკურად ათობით სპეცრაზმელი გაუსწორდა.
ოპოზიციონერ პოლიტიკოსს ქირურგიული ჩარევა დასჭირდა. მას ინგოროყვას კლინიკაში ცხვირის ოპერაცია ჩაუტარდა. შინაგან საქმეთა სამინისტროში კი აცხადებენ, რომ „ლევან ხაბეიშვილი პოლიციისთვის საქმიანობაში ხელის შეშლის მიზნით შეიჭრა პოლიციის კორდონში, გაუწია მათ წინააღმდეგობა, რა დროსაც სხეულის დაზიანება მიიღო“.
წაიკითხეთ ასევე:
