"ბატონო ბიძინა, კარგად შემომხედეთ... ასეულობით სპეცრაზმელი მისწორდებოდა" - ნაცემი ლევან ხაბეიშვილის პირდაპირი ჩართვა კლინიკიდან

"ნაციონალური მოძრაობის" ლიდერი ლევან ხაბეიშვილი ამ დროისთვის ინგოროყვას კლინიკაში გადის მკურნალობას. მას დაზიანებები ძირითადად სახის არეში აქვს.

როგორც მან კლინიკიდან პირდაპირ ეთერში ჩართვისას განაცხადა, ეს არის "ივანიშვილის დავალება, რომელიც "ხარებამ" განახორციელა.

"ხვალვე გავაგრძელებ ზომას, მიუხედავად იმისა რა მდგომარეობა მქონდა. მნიშვნელოვანია, რომ მე მომხვდა და არა რომელიმე ახალგაზრდას. "ხარებამ" ივანიშვილის დავალება განახორციელა. არ არის პრობლემა. ეს ყველაფერი ჩვენ არ შეგვაჩერებს. როცა ერთ ადამიანს ამდენი სპეცრაზმელი უსწორდება, ძალიან სასაცილოა. ასეულობით სპეცრაზმელი მისწორდებოდა. ბატონო ბიძინა კარგად შემომხედეთ, მძიმედ დაამთავრებთ. ბრძოლა უნდა გავაგრძელოთ. ასი ერთზე მაგრები არიან, მაგრამ არა უშავს" - თქვა ხაბეიშვილმა "ტვ პირველთან" საუბარში.

ცნობისთვის, ამ დროისთვის უკიდურესად დაძაბულია ვითარება რუსთაველის გამზირზე. სამართალდამცველებმა რუსთაველის გამზირზე მიმდინარე აქციის დასაშლელად წყლის ჭავლი, ასევე რეზინის ტყვიები და ცრემლსადენი გაზი რამდენჯერმე გამოიყენეს.

ცოტა ხნის წინ საგანგებო განცხადება გაავრცელა პრეზიდენტმა და მიმართა შს მინისტრს, რომ დაუყოვნებლივ შეწყვიტოს მშვიდობიანი აქციის დარბევა, არაპროპორციული ძალის გამოყენება, შიშველ ხელებით მოსულ ახალგაზრდების წინააღმდეგ ძალადობა.

• "ძალადობად არ უნდა ჩაითვალოს, მათ შორის, უბრალო მიწოლა ან ხელის კვრა... აქციას აქვს მშვიდობიანი ხასიათი და არ არსებობს ძალის გამოყენების საფუძველი" - ომბუდსმენი
• "მივმართავ შს მინისტრს, რომ დაუყოვნებლივ შეწყვიტოს მშვიდობიანი აქციის დარბევა" - პრეზიდენტის საგანგებო განცხადება
• "აქციაზე აშშ-ის მოქალაქე, იურისტი ტედ ჯონასი დააკავეს და უკიდურესად სცემეს" - ეკა გიგაური